Foto: Ariën Rasmijn
ORANJESTAD — Apenas un dia despues cu prome minister Mike Eman a termina un siman di welga di hamber, protestando contra gobierno di Hulanda y gobernador Fredis Refunjol, manifestantenan liga na oposicion a protesta ayera contra gobierno di Aruba, apoyando gobernador.
Protesta aki, na unda tambe a yama pa retiro di gabinete Mike Eman II y un eleccion nobo, tabata un iniciativa di e asina yama Grupo di Shete. Nan a entrega un manifiesto na Bestuurskantoor, unda nan a wordo ricibi pa ministernan De Meza, Sevinger y Schwengle.