Olga Saleh-Kostrzewski ta sali for di korte ku seguridat máksimo na Willemstad (potrèt di archivo) – potrèt: Dick Drayer
WILLEMSTAD – Elvis ‘Monster’ Kuwas ta pará dilanti wes pa e asesinato di e polítiko Helmin Wiels pasobra Ministerio Públiko tabatin e No Limit Soldier aki di 37 aña di edat na bista. Djei nan a bai buska e prueba. “Ta trata di vishon di tùnel, tin masha hopi preshon riba OM pa solushoná e kaso aki.”
Abogado Olga Saleh-Kostrzewski ta na palabra. E ta bisa ku no ta sufisientemente sigur ku ta Monster a tira Wiels mata. E tres deklarashonnan di testigu kontra su kliente no ta basá riba bèrdat, e ta bisa, OM no a prueba ku e arma ku a haña berdaderamente ta di Monster i tur deklarashon anterior a tuma lugá bou di preshon pisá di OM. “Asina mi kliente a deklará ku ta Robbie dos Santos lo a paga pa e asesinato, pero entretantu ate ta liber atrobe.”
Proseso honesto
Kuwas mes durante e seshon ta poko iritá, e ta trata di bedèi ku OM a pon’é bou di preshon pisá. Un konfeshon a pars’é e úniko manera pa skapa un konvikshon pa bida largu. Pero el a kambia di idea i ayera el a retirá tur deklarashon. “Mi no ta traha dil ku hende, ku dios so”, asina e ta bisa riba e di dos dia di e proseso. Kuwas, ku ta keda apelá na su derechi di keda ketu, ta pidi un proseso honesto. I t’esei el a haña, asina fiskal Gert Rip ta argumentá den su rekisitorio i ta pidi kastigu di bida largu.
Famianan di Elvis ‘Monster’ Kuwas den tribuna públiko ta saka un snek suprimí, pero e supuesto asesino di e polítiko Helmin Wiels ta bisa nan keda trankil. “Nada no a pasa”, e ta bisa sin emoshon. E famianan di Wiels ainda tin poko tenshon pero nan ta espesialmente aliviá. Ruman muhé Marvelyne: “Esaki lo no duna mi mi ruman bèk, pero sí ta loke nos a spera.”
Sirkuito kriminal
Kuwas ta kasá i tata di tres yu. E tin dos yu mas di un relashon anterior. El a lanta den un internat i e no tin diploma ku eksepshon di algun diploma di lasser ku el a haña den detenshon. “For di hóben bo a gana bo pan den e sirkuito kriminal” wes Constantijn van Dam van Isselt ta bisa, loke mésora Kuwas ta nenga. Kon sí e tabata gana su pan e no ke bisa. Wes ta konkluí ku banda di su strafblat na Kòrsou e tin un strafblat na Hulanda tambe di diesshete página.
For di un investigashon sikiátriko no ta sali ku Monster tin un defekto síkiko. P’esei den su demanda fiskal a bisa ku por konsider’é kompletamente responsabel pa e asesinato riba Wiels i pa dos otro asesinato ku el a kometé na yüni 2012 riba Lionel Arnaud i na yanüari 2013 riba Raikel Conception. “Puramente pa e plaka”, Rip ta bisa.
Riba tribuna banda di ruman muhé Marvelyne tambe tin ruman hòmber Aubert Wiels i Helmin su amiga Betty da Fonte. Esaki ta haña un puña seka Monster durante e skòrsmentu:”Djis pasobra mi ta sera no ke men ku mi no por hasi nada.” Fonte ta bandoná e sala tur aribabou ma despues e ta bini bèk atrobe. Lo sigui hopi mas seshon si ta na abogado Kostrzweski pasobra e lo keda lucha te ora deklará OM no reseptivo den e kaso aki.
Djabièrnè Kuwas lo haña oportunidat pa un último palabra den e kaso aki, asina wes ta disidí.
Outor Anneke Polak