Lider di UP Theo Heyliger – potrèt: Today / Leo Brown
PHILIPSBURG – Lider di Verenigde Volkspartij (UP) Theo Heyliger djabièrnè na kabamentu di dia den un reakshon por eskrito a reakshoná impetuosamente riba e desishon di Konseho di Minister di Reino pa taha gobernador Holiday di aprobá su nombramentu i di su ministernan, promé ku a hasi un investigashon hulandes di integridat di e kandidatonan.
Parlamento na petishon di UP ta reuní djaluna atardi 2 or tokante e instrukshon. Den un deklarashon di kasi mil palabra, Heyliger ta bisa ku ta klaro ku e instrukshon ta kontra su persona.
Ta un persekushon ku ta insultá tantu pueblo komo gobernador. Gobièrnu hulandes a mustra di ta kapas, sin niun prueba kreibel, di hasi representante di reino elegí nan blanku.”
E promé minister nobo aspirá di Sint Maarten ta bisa ademas ku gobièrnu hulandes ta hasi demokrasia ridíkulo ku un instrukshon ku tin solamente komo meta pa deskalifik’é pa e posishon di promé minister i ku por ekspon’é na posibel persekushon.
Kolonia
Heyliger ta haña ku Hulanda aparentemente ta konsiderá Sint Maarten un kolonia ainda ku por someté na kapricho di e tera mama. E ta referí na independensha: “E distinshon kolonial aki ta algu ku pueblo pronto mester tuma un desishon tokante di dje.”
Heyliger ta bisa tambe ku niun kandidato pa minister lo someté su mes, su famia, amigunan i konosínan na “un investigashon vago i sin límite”sin ku e parameternan ta konosí.
Outor: Hilbert Haar