Foto: Ariën Rasmijn
ORANJESTAD — Despues cu cuerpo policial a otorga permiso na Stichting Arubaanse Carnaval (SAC) pa organisa e apertura di Carnaval 61 riba 11 di november, Gruponan Uni cu ta representa mayoria di gruponan di carnaval y cu tabata kier pa un organisacion nobo organisa e apertura y tur otro evento di carnaval, a laga sa cu nan no ta participa mas.
Prome minister Mike Eman ta reitera mientras tanto cu Gruponan Uni tambe por haya permiso pa organisa nan apertura rtiba 11-11. Sinembargo te aworaki ta mustra cu e retiro di Gruponan Uni ta definitivo.
Scucha declaracion di prome minister Eman
Diabierna cu a pasa a asali na cla cu SAC a haya permiso di polis pa organisa apertura di temporada di carnaval. Den dianan cu a sigui ambos nan cu Gruponan Uni a emiti comunicadonan. SAC di su banda a mustra riba nan puntoi di bista cu pa e ultimo mita siglo nan a organisa carnaval. Es mas dia 11 di november di e aña aki ta marca e di 50 aniversario di fuindacion di SAC. Gruponan Uni di nan banda a anuncia cu nan ta reconoce SAC como e organisador di e proximo temporada di carnaval y cu nan ta distancia nan mes di e eventonan.
Permiso
Minister di Cultura Otmar Oduber cu a intermedia entre e dos organisacionnan na prome instante a culpa hefe di polis di a otorga e permiso sin consulta cu gobierno cu te hasta lo pidi polis pa no otroga niun permiso prome cu tin un decision definitivo. Awemainta durante un conferencia di prensa, prome minister Mike Eman a reitera cu no a duna niun permiso ainda pa organisa eventonan di carnaval, solamente na SAC pa e apertura.
Autor: Ariën Rasmijn