Kombersashon ku siudadanonan | foto Sofie Custers
KRALENDIJK – ‘Hubentut di Boneiru meresé mas atenshon. Un aserkamente mas severo ta nesesario, sino nos hubentut ta bai pèrdí.’ Tres siudadano di Boneiru ta kombersá ku otro riba loke nan ta haña di hubentut di e isla. ‘Hopi bia hóbennan ta eksihí nan derechonan, pero nan ta lubida nan debernan.’Kiko mester sosodé? Mester bin un kambio drástiko den e maneho di hubentut i kuido di hóbenan na Boneiru.
Esei ta mas o ménos e liña kòrá den un kombersashon entre tres persona riba Wilhelminaplein. Ora a puntra kiko e deseonan pa Boneiru ta na 2015, e kontesta a bai lihé den direkshon di polítika. “Pa e partidonan polítiko stòp di instigá pueblo kontra di otro. I pa Bonerianonan pensa riba futuro di nan isla.’ Hopi lihé e kombersashon a bai den otro direkshon.
Aserkamentu mas severo
Hetty Burgos a traha ku hubentut basta aña promé ku su penshun, entre otro komo tutela di famia. Shofur di taksi Ronny Bernabela ta mira hopi kos ku ta pasa riba kaya. Na kas ku su tres yu hòmber e ta eksperensha ku ta trata hubentut. E manera ta kontrali na e aserkamentu mas severo ku e ta haña nesesario. Larry van der Ree ta traha den konstrukshon i ta reakshoná fuerte riba komportashon di sierto hóbennan: “Tin ta lanta manera shouru.”
No ta trata di tur hóben di Boneiru. Pero serka esnan ku ta bai robes tin falta di struktura na kas, nan ta dil ku un aserkamentu muchu liber di kuido di hubentut i no ta fiha sufisiente riba norma i balornan.
Negativo
Bernabela ta konta ku hopi kos ta bai bon na Boneiru. “Nos skolnan ta mihó, nos tin mihó kuido i ta tara riba infrastruktura. Nos mester stòp pa mira Hulanda asina negativo.”
Pero e siudadanonan aki no ta kontentu ku e maneho di hubentut ku tin hopi regla I lei ku a bin for di Hulanda. Ta blo pone énfasis riba e derechonan di mucha, sin mustra nan riba nan debernan i kumplimentu ku norma i balornan.
Bernabela: “Den nos tempu bo ta papia di norma i balornan. Awor ora bo trese esaki dilanti, bo ta kontra di lei. Mi ta wak muchanan di 14 i 15 aña ta kana riba kaya ku bebida den man. Esei no por, pero ta aseptá esaki.” Burgos: “Tempu mi tabata tutela di famia mi tabata kita nan for di kaya i trese nan kas mesora. Awor no tin mag di hasi esaki.si bo hasi’é bo ta kontra di lei.”
Famia
E diferensha kultural grandi ente Hulanda Oropeo i Hulanda Karibense ta e struktura den kua muchanan ta lanta. Bernabela ta konta ku famia no ta e nukleo di komnidat mas. “Mayoria ta famianan kibrá. Esei ta e problema.” Bernabela i Burgos ke na 2015 un otro maneho di hubentut. Hulanda mester skucha Bonerianonan mihó I no traha e reglanan i lei tokante hubentu for di Den Haag. “Si ta nesesario manda ámtenar di munisipionan.”
Aktividat den tempu liber
Van der Ree ta dal e martin riba e kabes di klabu si papia tokante e motibu di e komportashon di sierto hóbennan: “No tin sufisiente aktividat den tempu liber. Gobièrnu mester pone kasnan di klup. Mayoria mucha ta kana riba kaya despues di skol. Esei ta trese problema.”
Outor Belkis Osepa