Jeroen Recourt
DEN HAAG – Mester konektá Aruba, Boneiru i Kòrsou ku un fèri. Na e deliberashonnan interparlamentario di reino (Ipko) a tene un presentashon tokante di esaki. Asina Jeroen Recourt, hefe di mishon di e delegashon hulandes ta bisa.
“Aruba a puntra Fred Olsen, un kompania di nabegashon grandi, si un komunikashon ku fèri ta alkansabel. Algu asina lo ta posibel masha bon, bou di e kondishon ku e tempu pa mara barku i sali atrobe ta maksimalmente mei ora. Mester adaptá e reglanan interno pa asina no tin nodi di pèrdè tempu ku atministrashon ku no ta kaba nunka.”
Recourt umbes ta mira posibilidat tambe pa alivia e sansaña burokrátiko ora instalá un servisio di fèri. “Pa e habitantenan di e islanan den futuro kisas lo bira posibel pa bai un di e otro islanan ku nan sédula so. Aktualmente riba e buelonan entre e islanan mester yena papel. Ami ta bisa: laga nos hasi otro su bida mas fasil.”
Un fèri entre e islanan Abou mester sostené ekonomia tambe. “Un komunikashon via laman lo ta masha bon mes: lo e stimulá komersio i importashon por bira mas barata”, segun Recourt.
Outor Pieter Hofmann