Abogadonan dilante korte: Di banda robes pa drechi Mat Schoenmakers, Cor Merx, Geert Hatzmann i Roy Moes. Potrèt: Today / Milton Pieters
PHILIPSBURG – Riba e di dos dia di e kaso di soborno Bada Bing e abogadonan a pidi apsolushon pa tur sospechoso. E èks parlamentario Patrick Illidge a haña mas tantu atenshon, pero tabatin hopi atenshon tambe pa trafikashon di hende muhé, un akusashon pa doño di Bada Bing Jaap van den Heuvel i su manager Krijn van den Burg.
Illidge su abogado Ralph Richardson ta bisa ku e servisionan ku su kliente lo a duna Van den Heuvel ta parti di e kultura di e isla. Èx minister Ronald Duncan di Hustisia a konta ditèktefnan ku parlamentarionan regularmente ta bishitá ministernan pa solushoná problema pa siudadano.
Richardson ta haña e investigashon kontra su kliente sugestivo i ta bisa ku a representá su situashon finansiero robes. OM ta bisa ku Illidge na aprel di 2011 ‘probablemente no tabatin sufisiente plaka pa e por a fia Van den Heuvel 50 mil florin’; segun e abogado esaki no ta klòp.
Tantu Cor Merx komo Geert Huisman ta manda nan flechanan entre otro pa e trafikashon di muhé. Hatzman ta bisa ku e interpretashon di Korte Supremo tokante trafikashon di muhé mester di revishon i Merx ta papia di un problema di coffeeshop: empresario ta haña un pèrmit pa un kas di prostitushon pero no por laga muhé bini djafó bin traha aden.
No ta kastigabel
Hurista fiskal Erik Janssen a supla e kehonan di belasten kontra Van den Heuvel for di mesa ku e mensahe ku no ta kastigabel pa no deklará belasten di ganashi i ku inspektor entretantu a kobra impuesto di benta, i ku esaki no tin desbentaha fiskal mas. Ku esaki segun Janssen no tin motibu mas pa e akusashon di labamentu di plaka.
Korte ta sigui e proseso djabièrnè ku e replikashon di OM i e duplikashon di e abogadonan.
Outor Hilbert Haar