Minister Plasterk ta kombersá ku Ronald van Raak (SP) – potrèt: Jamila Baaziz
DEN HAAG – Hulanda huntu ku otro pais den Reino ta bai mira si por investigá fluhonan di plaka na Kòrsou i Sint Maarten. Asina minister di Asuntunan Interior i Relashonan den Reino (BZK) Ronald Plasterk a primintí Tweede Kamer awe.
Den parlamentu hulandes tin hopi prekupashon pa e supuesto relashonnan entre baho mundo i polítika na Kòrsou i Sint Maarten. Pa e motibu aki Ronald van Raak (SP) awe a entregá dos moshon. Plasterk ta konsiderá e dos moshonnan tokante e investigashon di fluhonan di plaka un ‘estímulo’ di e maneho di gobièrno ku tin aktualmente. Si bini un investigashon e lo inkluí fluhonan di plaka legal tambe.
A kuminsá
“Nos a kuminsá”, ta Van Raak su opinion. “Nos mester trata ku e plaka ‘kontaminá’- i ku e polítikonan ku ta tuma e plaka aki, tur hende den Kamer ta di akuerdo ku algu mester sosodé.” Van Raak ta ferwagt ku algun polítiko lo no koperá. Pero otro polítiko sí, pasobra nan tambe sa haña falta di e kondukta di nan koleganan.”
Plasterk no ta bai di akuerdo ku Van Raak su di dos moshon. E parlamentario privadamente ke interogá e trahadónan di Servisio di Seguridat di Kòrsou (VDC) ku a denunsiá abusu den nan servisio. E denunsiadónan lo ta dispuesto pa papia ku e parlamentarionan, pero Plasterk mes lo no pidi gobièrnu di Kòrsou esaki. “Si tabata kontrali tampoko nos lo no a aseptá esaki”, Plasterk ta bisa.
Igualdat
Un petishon asina segun Plasterk ta toka e igualdat di e paisnan den Reino. Van Raak, ku ta bisa ku e tin un propio investigashon ta hasi di ladronisia na VDC, di su banda ta enfatisá ku ta e èks trahadónan di VDC ku debidamente ke konta nan relato. E parlamentario via Tweede Kamer ke fòrsa Plasterk di tuma kontakto ku promé minister Ivar Asjes ‘pa tene un bon kombersashon’.
Outor Pieter Hofmann