Studiantenan ta wak den shòk ora karga e kurpa sin bida di nan ko-studiante bini pafó – potrèt: Hazel Durand
THE BOTTOM – Polis na Saba ta investigá morto di un studiante femenino (23) di Saba University School of Medicine. Un amigu di e mucha muhé a haña su kurpa sin bida awe meinta den su apartamentu na The Bottom.
Ainda polis no a duna un deklarashon tokante e sirkunstanshanan di su morto. Ainda no ta kla si el a fayesé di un krímen, si el a muri un morto natural òf si ta trata di suisidio. Polis di Saba ta warda e inspektor hefe di Boneiru ku ta yega e isla mañan.
Amigunan di e studiante ta indiká ku e no tabata komportá otro for di normal e dianan ku a pasa. El a kaba di slag pa su èksamennan. E siman aki hopi studiante di e skol médiko ta bandoná e isla pa fakansi di aprel. Esaki ta trese hopi moveshon na aeropuerto. Un ratu tabatin e rumor ku lo bai kanselá e buelonan pero ta solamente e buelo ku tabatin planeá nèt ora e notisia a plama riba e isla a haña poko retraso.
Tin mas o ménos 600 studuante na Saba University School of Medicine. Kasi nunka no tabatin insidente na e skol, ku eksepshon di e desaparishon di un studiante maskulino na 2007. Ta suponé ku e studiante a bai sambuyá i ku el a hoga. Nunka no a haña su kurpa.
Outor Hazel Durand