Studiantenan pará rondo di e apartamento di nan studiante kompañero ku a haña morto den su kas – potrèt: Hazel Durand
THE BOTTOM – Probablemente lo hiba e kurpa di e studiante femenino merikano di 24 aña di Saba University School of Medicine Hulanda pa outopsia e wikènt aki.
Polis ta bisa ku e tim di investigadó awe a interogá testigu ku tabata den kontakto ku e studiante. Polis ta espesialmente interesa den su kondukta djis promé ku 15 di aprel, e dia ku un konosí a hañ’é morto den su apartamento.
Ta difísil pa interogá e testigunan pasobra e trimèster pa studiante na Saba ta den kaba i hopi studiante ta bai for di e isla pa bai keda serka nan famianan.
A reforsá e tim di investigashon ku reshèrshi i spesialista for di Boneiru. E fiskal suplente presente tambe a haña ayudo di un fiskal di Boneiru.
Listramentu di kas
Bou di maneho di wes-komisario ayera a listra den e kas di e muhé defuntu i den kas di un konosí di dje. A investigá e kas di e konosí pasobra e tim ta tene kuenta ku ei por haña informashon tokante kontaktonan i aktividatnan di e studiante durante e último dia di su bida.
Outor Hazel Durand