Bert Koenders i Ivar Asjes ta duna otro man na rueda di prensa, Mike Eman (dr) para mira | potrèt: Dick Drayer
WILLEMSTAD – Aruba a laga su resistensia kontra e dispensashon di visa pa kolombiano ku ke bai Kòrsou òf Sint Maarten, bai. Huntu ku Hulanda e tres paisnan a bai di akuerdo ku un areglo karibense nobo. Aruba i e tres islanan BES lo sigui dia bini un dispensashon pa e área Schengen.
E kuater paisnan di Reino djamars a yega na un akuerdo tokante un dispensashon di visa pa kolombiano. Esaki a sosodé durante e deliberashon di reino di Relashonnan Eksterior. For di promé di yüli kolombiano por biaha sin visa pa Kòrsou i Sint Maarten. Sigui biaha pa un di e paisnan Schengen no por ainda. Esaki posibelmente lo sigui despues: mester sera akuerdonan separá entre e paisnan i Union Oropeo.
Konseho atministrativo
E deliberashonnan entre Aruba, Kòrsou, Sint Maarten i Hulanda riba djamars a dura un ora mas largu ku a planeá. E kousa tabata e aktitut di e delegashon arubano bou di maneho di promé minister Mike Eman. E ke e mesun dispensashon di visa meskos ku e otro paisnan pero e no por keda sin aster e diferente konsehonan atministrativo negativo den su mes pais. Pa e motibu ei Aruba no por partisipá na e akuerdo entrante promé di yüli.
Eman ta spera ku ora e reglamento di Schengen t’ei otro aña, den su mes pais sin problema e por pasa un dispensashon di visa karibense pa kolombiano den parlamento. Bou di preshon espesialmente di Kòrsou i e otro dos paisnan el a bai di akuerdo ku e reglamentu entrante promé di yüli.
Venezuela i Cuba
Durante e deliberashon a papia tambe di e situashon tenso na Venezuela. E énfasis di e maneho konhuntu di asuntunan eksterior ta keda riba e státùs di bon bisiña. Koenders ke mantené un bon relashon. Pa su parti por keda papia tokante problemanan ku derecho humano, espesialmente den relashonnan oropeano. E no ke antisipá riba un eventual fluho di migrashon for di Venezuela den direkshon di e islanan, si kos bai malu einan. Koenders no ke antisipá ainda riba posibel petishon di asilo i kon trata ku nan.
Segun e minister e kambionan den e region, espesialmente si ta trata di Cuba, ta krea posibilidat pa tur pais den reino. Un aktuashon konhunto por oumentá e oportunidatnan i redusí e riesgonan. Pero kada pais por kue su propio rumbo tambe. Segun Koenders algun kordinashon ta nesesario si pasobra ‘aktualmente ta tur hende ta bula riba Cuba’.
Outor Dick Drayer