Promé minister Eman i ministernan Plasterk i Bermudez kuminsamentu di mei a firma e protokòl pa supervishon finansiero
DEN HAAG – André Bosman (VVD) i minister Ronald Plasterk (PvdA) awe durante di e ora di pregunta den Tweede Kamer a enfrentá otro. Bosman ta prekupá pa e maneho finansiero di e arubanonan.
Plasterk ta haña ku awor ta tarea di College Aruba financieel toezicht (CAft) pa supervisá esaki. E palabranan di minister di Finansa arubano Angel Bermudez ta trankilisá Plasterk E ta skibi ku su gobièrnu lo intervení si e finansanan desvia muchu di e kalkulashon di vários aña.
Kolegio
Resientemente gobièrnunan arubano i hulandes a sera un akuerdo tokante supervishon finansiero di Caft. E kolegio tin tres miembro – unu na nòmber di Hulanda, unu na nòmber di Aruba i unu na nòmber di Reino.
Bosman no ta haña e akuerdo ku a sera aki balansá. Segun e Bermudez literalmente ta skibi ku e no tin niun intenshon pa tuma ofer e rekomendashonnan di CAft. “E enk di e akuerdo no a ni seka ainda òf ya kaba Staten ta prekupá anto pa kolmo e minister ta skibi: Lo mi no hasié.”
Buraku den presupuesto
Tanten e buraku den presupuesto arubano ta 2.2 miar di florin arubano, Bosman ta kalkulá. “Ta trata di impuesto ku no a kobra, anto no ta sigur si por kobra nan nunka mas mes. Aki ta trata di mal maneho struktural.”
Plasterk ta bisa ku ta CAft ta husga si a tuma e rekomendashonnan ofer sufisientemente. “Mi ta asina kontentu ku e akuerdo pasobra awor kada un tin su lugá den e sistema. No ta asina ku ta Tweede Kamer ta e supervisor di finansa Arubano, ta pesei nos tin CAft. Nos por diskutí tokante e sifranan pero nos mester laga esaki pa CAft.”
Outor Pieter Hofmann