Minister Ronald Plasterk (Relashonnan den Reino) – potrèt di archivo: John Samson
DEN HAAG – Minister di Asuntunan Interior i Relashonnan den Reino (BZK) Ronald Plasterk no ta kompartí e opinion di e informashon ku a sali djabièrnè di Raad van State. Ei e wes di gobernashon di mas haltu di Hulanda ta intimá ku e instrukshon na gobernador di Aruba na yüli 2014 tabata ílegal.
“Minister di Asuntunan Interior i Relashonnan den Reino ta rekonosé e kuadronan ku Raad van State a poné. E instrukshon na gobernador di Aruba, pa no firma e presupuesto inisial sin investigá mas aleu, tabata kai den e kuadronan aki”, Plasterk ta bisa.
Pero profesor Arjen van Rijn ta husga severamente riba e posishon ku e minister a tuma. “Segun mi nan no a lesa bon na BZK. Un instrukshon no por tin komo meta pa para gobernador di konfirmá un landsbesluit. Esaki no ta pèrmití hurídikamente.”
IMF
Na yüli di 2014 gobernador di Aruba, Fredis Refunjol, a haña un instrukshon di Konseho di Minister di Reino pa no firma e presupuesto. E instrukshon aki a sali pasobra entre otro Fondo Monetario Internashonal (IMF) tabata prekupá pa e finansanan di gobièrnu arubano. Segun Van Rijn esaki no ta relevante hurídikamente.
E agregashon den e deklarashon di e minister ku gobernador lo mester hasi un investigashon promé ku e firma presupuesto, segun e sabio di derecho polítiko no ta sirbi. “Gobernador no a haña espasio pa su propio konsiderashon, e mester a pone e asuntunan ‘on hold’. Pero no ta posibel pa investigá un instrukshon di Den Haag intensivamente. Gobernador por firma un landsbesluit òf mand’é bèk, mas ku esaki e no por skohe.
‘Indigno’
E posishon di ministerio ta iritá Van Rijn. “Mi no ta komprondé pakiko nan no ta atmití numa ku nan ta fout. Raad van State a husga, kla. Pa awor nan evadí mi ta haña inprofeshonal i indigno.”
“Ku esaki atrobe a prueba e nesesidat di un areglo di disputa. Ounke mi no ta kere ku esaki ta yuda riba e kaminda pa un areglo asina. Mirando e posishon di Hulanda no ta algu ku por ferwagt. Mi ta ferwagt ku nan lo trata di want’é te despues di e próksimo elekshonnan di Tweede Kamer”, Van Rijn ta bisa.
Reakshon
Plasterk a anunsiá ku mas lat e siman aki e lo duna Tweede Kamer un reaksho riba kontenido.
Outor Pieter Hofmann