Un demonstradó ta mustra un potrèt di Mitch Henriquez durante un protesta na Den Haag – potrèt: Pieter Hofmann
AMSTERDAM – Ministerio Públiko (OM) ainda no a disidí si lo pèrsiguí e sinku polisnan sospechoso pa motibu di nan envolvimentu den morto di Mitch Henriquez. Pesei poko poko e pasenshi di e parientenan di e defuntu ta kaba.
Asina abogado Richard Korver di ku ta asistí e parientenan di e defuntu ta bisa. E arubano di 42 aña di edat a fayese mas tempran e aña aki di sofokamentu ora polis di Den Haag a deten’é.
Henriquez entre otro tabatin su korokoro kibrá i hematoma rònt su kurpa. Segun un promé deklarashon di polis ta te ora ku e tabata den e bùs di polis el a bira malu, pero imagennan di kámara ta kontradesí esaki. Henriquez su morto a kousa disturbio grandi den e bario Schilderswijk na Den Haag.
No tin konklushon
Korver: “Mi ta haña ekstraordinario ku mi mester konstatá ku henter e investigashon di polis ta kla – un rapòrt di 1500 página – i ku Ministerio Públiko ainda no ke saka konklushon for di esaki. Aparentemente nan ta purba di keda pusha e desishon nan dilanti.”
“Si e hendenan ku a hasi e kos aki tabata trahadó di seguridat, lo a sera nan mésora i probablemente lo nos a haña un dagfar kaba”, e abogado ta bisa
Persekushon
No sa pèrsiguí polis masha, i mas poko ainda sa kondená nan. E ora ei e manera slo di traha di OM no ta yuda , Korver ta bisa. “Pa nos a kuminsá bira tempu si ku mester saka konklushon. E famianan ke pa bèrdat sali na kla.. Nan ta preferá pa esaki sali na un manera bon i no di mas lihe, pero nan pasenshi a kuminsá kaba.
Deseo di investigá
Den e kaso kontra e sinku polisnan e abogadonan di defensa ta haña e oportunidat pa indiká nan deseonan pa investigashon. OM no a bisa kuantu tempu esaki lo tuma, pero ta ferwagt ku OM lo keda okupá ku esaki te kuminsamentu di otro aña.
Outor Pieter Hofmann