Mitch Henriquez – potrèt: Facebook
ORANJESTAD – E echo ku Rijksrecherche a konkluí ku Mitch Henriquez a fayesé pa motibu di violensia di polis i ku kisas lo pèrsiguí e polisnan envolví, pa polítikonan arubano no ta sufisiente. Tantu e partido di gobièrnu AVP komo e partido di oposishon MEP ke pa moderá violensia di polis.
“Mi pensamentunan ta serka su mama Maria, su yunan i su ruman muhénan”. Lider di MEP Evelyn Wever-Croes ta bisa. “Mester ta masha teribel pa lesa ta kon a mat’é.”
Mester husga e perpetradónan mas pronto posibel, Wever-Croes ta haña. “Ta solamente ora esaki ta tras di lomba por tin un sierto konklushon den e kaso aki, espesialmente pa e famia. Lo mi pidi mi koleganan parlamentario na Hulanda pa sigui pone preshon. Hustisia na Hulanda mester siña di esaki, pa limitá violensia di polis sin tin nodi na un mínimo. Esei lo ta un bunita herensia di Mitch.”
Prohibishon di klèm di garganta
Miembro di frakshon di AVP Desiree Da Sousa-Croes ta bisa ku el a fèrwagt e konklushonnan mirando e potrètnan, sinenan i relatonan despues di morto di Henriquez. Tòg su frakshon ta di shòk pa e seriedat di e maltratonan. “Ta espesialmente tristu ku ta un chansa a kousa un morto asina violente. Nos lo sigui e proseso penal. Nos ta konta ku lo trata Mitch su famia ku rèspèt i ku lo trata e defuntu ku dignidat. Pero mas ku tur kos ku lo siña algu di Mitch su morto. Ku entre otro lo taha uso di e asina yamá ‘nekklem’, un manera di choka, i ku e manera di hasi di polis, den pasado tambe, lo haña un investigashon intensivo.
Segun Da Sousa-Croes e minister arubano di hustisia Dowers mester aportá serka su kolega hulandes Ard van der Steur pa bini un prohibishon riba uso di ‘nekklem’ ora arestá hende. “Esei ta e uniko ku koutelosamente nos por hasi aki”
Konsekuensha
Lider di frakshon di AVP René Herdé: “Ta trata di e echo ku den e estado di derecho ta apliká e reglanan den tur situshon komparabel i ku kada siudadano – den tur pais den Reino – ta sigur ku su seguridat ta garantisá. Si esaki no ta e kaso e konsekuenshanan mester ta konosí delantá, pa e agresornan tambe. Ta esaki ta nos punto di bista. I ta esaki nos lo eksihí den e kaso aki.”
Outor Ariën Rasmijn