Promé minister William Marlin durante un enkuentro ku hende di Sin Maarten na Hulanda – potrèt: John Samson
DEN HAAG – Derecho di vota pa studiantenan di Sint Maarten na Hulanda i Miembronan di Staten ku sali for di un partido no por yuda koalishonnan haña mayoria mas. Si ta na gabinete di Sint Maarten henter e sistema elektoral ta kambia pronto.
Asina promé minister William Marlin (National Alliance) a bisa djadumingu durante un enkuentro na kas di Sint Maarten na Den Haag. Gabinete ke pa tur studiante den eksterior por vota. Aktualmente bo mester ta inskribí na Sint Maarten pa bo por vota. Ku e kambio Sint Maarten ta hañ’é ku ‘un reto finansiero i logístiko’, e promé minister ta bisa.
Kombersashonnan
E ke ayudo di gobièrnu hulandes pa bini sentro elektoral na Amsterdam, Groningen, Rotterdam i Utrecht. Mas lat e siman aki promé minister Marlin tin un kombersashon ku minister Ronald Plasterk (Relashonnan den Reino).
Banda di Hulanda, gobièrnu di Sint Maarten e tempu ku ta bini lo tene kombersashon ku Aruba i Kòrsou tambe tokante ampliashon di derecho di vota. Tambe gabinete lo mester bini ku un plan separá pa studiantenan den Estádos Unídos.
Hòrtamentu di asiento
Lo bini un kambio impaktante mas serka próksimo elekshonnan. Gabinete Marlin tin problema ku kandidatonan ku haña un asiento pa medio di voto di preferensia , pa despues nan kore bai ku nan asiento. Si gobièrnu logra pasa e revishon di e lei elektoral e ora ei ta e kantidat di asiento ku un partido tin so ta konta pa forma un mayoria.
Añanan largu kaba ta papia na Sint Maarten pa ampliashon di e derecho di vota pa habitantenan di Sint Maarten den eksterior i e asuntu di hòrtamentu di asiento. Ku yegada di promé minister William Marlin e asuntu a bira un prioridat, pero e gobièrnu no tin hopi tempu, kabamentu di zomer di 2016 tin elekshon.
Outor John Samson