Sekretario di Estado Jetta Klijnsma serka e chikitinnan di krèsh Arco Iris – potrèt Janita Monna
KRALENDIJK – Tres chikitin di krèsh Arco Iris nèt ta riba pòchi ora e sekretario di estado drenta.Training pa no pishi karson. Ora nan ta kla – despues di laba man, nan tur ta bai na mesa. Ehersisio di koló i forma. Yefrou ta tene e bala chikí den laira: “Kua kolo esaki ta?” “Hel”, un mucha hòmber ta bisa. E otro yefrou tambe ta hasi ehersisio ku koló na papiamentu. Pero e muchanan awe meinta ta mas interesá den e sekretario di estado i e ekipo di televishon su tras.
Sekretario di estado Jetta Klijnsma di Asuntunan Sosial i Empleo a bishitá e krèsh riba e último dia di su bishita na Boneiru, kaminda el a papia ku mandatario, pero espesialmente ku ‘hende’.
Karera di skol
Na krèsh Arco Iris e ta sera konosí ku esnan mas hóben riba Boneiru. Jennifer Silberie, presidente di direktiva di Arco Iris, ta kontentu ku e bishita di e sekretario di estado. “E tambe ta mira ku un krèsh ta importante pa un karera despues na skol. Un krèsh no ta solamente pa wak mucha. E muchanan ta siña kos aki. Si nan siña palabra for di na hóben, esaki por evitá un retraso di idioma mas lat.”
Den esaki un bon akohida di mucha ta nesesario pa kombatí pobresa. “Si no tin un akohida sólido, e mayornan no por traha.”
Pa kombatí pobresa na Boneiru for di kuminsamentu di e luna aki mucha tin derecho riba kompensashon pa yu di 40 dòler pa mucha pa luna. Dia Klijnsma a bishitá Boneiru na aña 2013 e nesesidat di esaki a konvensé. Tòg na Boneiru di e 2090 hende ku tin derecho riba kompensashon pa yu 1600 so a registrá kaba. Tin di nan ti miedu ku ku e kompensashon pa yu – a trok’é pa kanselashon di e deskuento fiskal di yu – nan ta bai atras. E sekretario di estado ta ninga esaki redondamente. “Hende no ta bai atras nunka.”
Klijnsma ta papia ku grandinan di Boneiru – potrèt: Janita Monna
Haltura di AOV
Na Nort ‘i Saliña djabièrnè Klijnsma ta papia tambe ku e habitantenan mas grandi di edat na Boneiru, den Sentro Orkidia Alejandro Saleh, kaminda hende ariba di sesenta aña ta bini huntu dos bia pa luna. Di mes den e kombersashon e haltura di AOV ta surgi. Pasobra e sentro ta traha sin supsidio, bishitantenan ta paga un kontribushon di 4 dòler pa luna: “Anto mi no por hasi esaki 10 dòler”, fundadó Iris Semeleer ta bisa. Pa esaki e AOV ta muchu abou. 588 dòler, bo no por biba di esaki.”Un dama ta konfirmá esaki. “Pakiko”, e ta puntra e sekretario di estado, no por subi e suma ei pa por ehèmpel 8oo dòler?”
Klijnsma ke splik’é. Kompensashon manera ònderstant i AOV ta liá na e suèldo mínimo legal. Si na Boneiru e suèldo mínimo subi, e ora ei AOV tambe ta subi. Na Saba esaki a sosodé kaba. Pero mi ta ripará ku aki pa trahadónan i doñonan di trabou – ku ta hasi palabrashonnan tokante suèldo mínimo – ainda ta difísil pa bai di akuerdo ku otro. Ta importante pa e kombersashon aki kuminsá kana.”
‘Inventá algu’
Si despues di su bishita na 2013 tabata kla ku kompensashon pa yu lo por a trese alivio pa e habitantenan di mas pober, awor Klijnsma ke ‘inventá algu’, pa esnan ku ta malu sin por traha pa hopi tempu kaba. “E hendenan ei ta dependé di un kompensashon finansiero, nan no tin speransa mas di por traha. Nos mester ofresé nan tambe perspektiva.”
Outor Janita Monna