E investigashon Bientu a tuma ocho aña – potrèt Anneke Polak
WILLEMSTAD – Doño d loteria Robbie dos Santos awe meinta a tende e eksigensia di kuater aña den prizòn di kua unu kondishonal den e kaso Bientu. Ministerio Públiko (OM) banda di esaki ta eksihí dos aña di periodo di prueba, konfiskashon di tur e plaka kèsh ku a konfiská i tur 55 kuenta di banko.
Su kompanianan The Moneygame NV, Jamarooma Lotteries i Administratiekantoor Dollar segun e eksigensia di OM mester paga but di respektivamente 3.5 mion, un mion i ocho mion florin.
Pa motibu di evashon di belasten, komunidat di Kòrsou den kurso di añanan a keda sin haña 50 mion florin, mas o ménos ocho porshento di e ganashi di belasting di Kòrsou. “Kuantu kos Korsou, den Antia Hulandes pero tambe komo pais independiente lo no por a hasi ku e plaka aki. Tareanan públiko manera enseñansa i kuido di salubridat lo tabata henteramente diferente.”
Karga polítiko
Un sospechoso ku dos kara, asina OM ta bisa. Un benefaktor den públiko, pero den realidat un ‘probechadó ordinario’. Dos Santos lo a haña ayudo serka ‘amigu na gobièrnu i den polítika’. Ku esaki OM ta indiká ku ta trata di un karga polítiko, manera defensa a bisa.
“Nos ke men e sosten ku Dos Santos a haña di ministernan ku no ta rekonosé independensia di OM i ku ta hasi tur kos posibel pa para e investigashon penal. Ta un milager ku e investigashon penal a sobreviví e atakenan aki i awor ta haña e trato riba kontenido.”
Awe i djaweps defensa ta haña palabra den e kaso Bientu, di kua e tratamentu riba kontenido ta kaba djabièrnè ku e último palabra di e sospechoso. Wes ta sentensiá dia 1 di aprel.
Outor Anneke Polak