E seis kantantenan aki a kuminsa nan karera na Theater West End – Potrèt: Dulce Koopman
WILLEMSTAD – E públiko ku a presensia e presentashon dje kantantenan di soul, yu di Kòrsou biba na Hulanda, a sinti un nostalgia intenso na momentu di rekordá e tempu di gloria di Theater West End. Esaki a tuma luga durante di e West End Soul Revival na Avila Hotel.
Promotor Robby Schouten a trese Kòrsou, e seis artistanan: Leslie Vos, Duke Richardson, Melvin Landburgh, Tony Sherman, Arnold Stone i Mr. Solo. Tur e kantantenan aki a kuminsa nan karera na Theater West End, na Otrobanda. Awe despues di 50 aňa a keda e rekuerdonan grato dje temporada ku e musika Soul tabatin hopi popular na Kòrsou.
Promotor Robby Schouten splika ku ta hopi satisfecho ku presentashon
Den nan bida diario e artistanan di Kòrsou ta dua presentashon ainda na Europa i nan ta hopi kontentu di por hasi esei. Lamentabelmente no ta posibel pa e kantantenan aki eherse nan profeshon na Korsou i ta pesei no por spera ku riba termino kórtiku, nan ta regresa permanentemente. “Na Europa nan e posibilidat, oune ku no ta hopi, pa e artistanan. No tin e merkado, pa nan presenta komo artista”. Asina Robby Schouten a menshona.
Ta e intenshon pa proksimamente a artistanan di Kòrsou presenta den algun suidat na Hulanda, pa ei tambe krea e posibilidat pa sinti e nostalgia di e legandario Theater West End di Kòrsou.
Outor: Dulce Koopman