Coach di federashon Patrick Kluyvert. Potrèt Pieter Hofmann
MAASSLUIS – E tim di futbòl di Kòrsou a empatá den e delaster wega di ehersisio bou di guia di coach di federashon Patrick Kluivert. Na Maasluis nan a hunga 2-2 kontra e tim di klase superior Westlandia.
Otro luna e tim di Kluivert lo hunga kontra Guyana (1 di yüni) i Islanan Virgen Merikano (7 di yüni). Den e wega ei lo disidí ken ta sigui pa e di dos ròndu di e kalifikashon di Caribbean Cup. Despues di e dos weganan aki Kluivert lo baha komo coach di federashon di Kòrsou.
Pieter Hofmann den kombersashon ku Patrick Kluivert
Chèns
Despues di un gol trempan den wega no tabatin masha kos ta sosodé. Ounke ku tabatin un multitut di oportunidat pa Kòrsou, e skor ora di hèftaim tabata 1-1. Coach di federashon Kluivert no tabata satisfecho. “Si bo mira kuantu chèns nos ta haña, esaki mester bai hopi mas mihó. Den e promé mitar di e wega nos a hunga mas malu ku kustumber, i nos a pèrdè e bala hopi bia sin tin nodi.
Ademas atakante Rangelo Janga por a reklamá ku e no a haña penalti ora ku e kiper di Westlandia Edgar Leerdam a torpedi’é den e área penal.
Di dos parti
Kluivert a kambia algun hungadó durante hèftaim. Ounke ku Kòrsou tabata mas mihó e skor a keda balansá: 2-2. Coach di federashon: “Den e di dos mitar mi a mira un otro dinámika. No ta fásil pa di repente kuminsá hunga e mihó wega di nunka, pasobra e mucha hòmbernan no sa hunga huntu hopi.”
Entrante promé di yüli Kluivert ta bira treiner di e A1-juniornan di Ajax. E klup di Amsterdam a tah’é di kombiná e dos funshonnan. Kluivert: “Lástima. Mi por komprondé si, pasobra otro aña lo mi ta hopi okupá. Ku doló den mi kurason mi ta tuma despedida komo coach di federashon.” Kluivert lo sigui hunga un papel den fondo si.
Futuro
Futuro di e onsena kurasoleño ta pinta bon segun Kluivert. “Nos ta efektuando un bon serie. Ounke ku awe nochi lo mi tabata ker a sera ku un ganashi.”
Bònt di futbòl FFK ta buska un coach di federashon nobo pero tin tiki moda finansiero. Pa e motibu ei ta buska un treiner hóben, òf un persona ku hopi ekperensia ku finansieramente ta bon pará kaba, ku e no tin nodi di hasié mas pa e plaka.
Outor Pieter Hofmann