Elmer Wilsoe ta papia na e Deliberashon Interparlamentario di Reino. Potrèt: Pieter Hofmann
DEN HAAG – E apertura di e Deliberashon Interparlamentario di Reino (IPKO) awe pa un gran parti tabata trata di kambio di klima. Pa promé bia e tópiko aki tabata riba agènda durante e deliberashon anual entre parlamentario di e kuater paisnan di Reino.
Aruba tin e ambishonnan di mas grandi: nan ke traha energia 100 porshento CO2 neutral na 2020.
Segun e miembro di Staten René Herdé (Aruba) ta puramente un nesesidat. “Oumento di un par di sèntimeter (di superfisie di laman, PH) ya kaba ta un menasa direkto pa nos ekonomia turístiko”, Herdé ta bisa. “Nos ta importá mas ku 350 mion florin pa aña na energia. Esei ta di mas.”
Maneho di energia
Segun Glenn Sulvaran (Kòrsou) área karibense ta masha adekuá pa tene pilot-studies tokante generashon di formanan nobo di energia duradero. Pero Kòrsou ainda no a stipulá un maneho di energia; Aruba i Sint Maarten si.
Sulvaran ke pa tur delegashon insistí serka nan gobièrnu pa determiná un strategia i registrá esaki den un dokumento básiko.
Ta e intenshon pa kada pais skohe un mandatario ku ta responsabel pa e metanan di klima di e pais konserní. Ainda e partidonan no sa kon despues mester sinkronisá esaki atrobe riba nivel di Reino.
Outor Pieter Hofmann