Catcher Ramiro Balentina di e tim di beisbòl di Kòrsou – potrèt: Pieter Hofmann
HAARLEM – Catcher Ramiro Balentien despues ku wega kaba kasi no por kapta. Den e último inning Korsou ta pèrdè su 6-3 dilanti riba Australia. Den prolongashon atrobe e tim ta pèrdè un bentaha i e kos ta bai malu definitivamente: 7-8.
Balentina: “Den e di nuebe inning segun mi e hungadónan a pensa: nos a gana. Ta esei a nèk nos. Promé ku bo tin 27 out bo no a gana.”
E defensa kurasoleño ta alterná catch akrobátiko ku eror inkomprendibel. E último eror den vèlt ta kaba ku nan. Esnan di Australia ta gana e wega spektakular den e di diesdos inning.
Pa motibu di e derota djasabra Kòrsou ta hunga pa e di kuater i di sinku lugá na Honkbal Week Haarlem (HWH) E oponente ta Taiwan. “Nos meta tabata pa sikiera sali di tres. Nos no a logra nèt. Si e torneo a faya awor? Pa mi si. Nos tabatin hopi chèns pa gana, ma nos no a gana”, Balentina ta bisa.
Un Reino, dos tim
Indirektamente tin dos tim ta representá Kòrsou na HWH. E catcher ta kuminsá hari ora puntr’é pakiko Kòrsou tin un tim apart miéntras ku Oranje ta yama su mes e Tim di Reino i ku ku tin hopi Yu di Kòrsou den selekshon. “Semper tabata asina ku nos tabatin un tim di Kòrsou, awor nan tin un tim di Reino. Pero nos tambe ke keda hunga.”
Profeshonal
“E hungadónan di Reino mayoria bia ta e profeshonalnan òf esnan ku ta hunga na Hulanda. Nos selekshon mayoria bia ta basá riba hungadó ku ta hunga na Kòrsou”, asina Balentina ta bisa. E ta sigui: “Esei ta e diferensha. Un Reino, dos tim, si.”
Outor Pieter Hofmann