VVD di Boneiru dia di su lantamentu na mei di 2013
HILVERSUM – Gerard van den Tweel, lantadó di VVD Boneiru, segun e mes solamente a haña un anunsio di e direktiva mayó di e partido. Tabata fin di 2015 i VVD na Boneiru a stòp di eksistí.
“Esaki tabata òrdu di e direktiva mayó nobo di VVD. E direktiva mayó bieu si tabata aploudí e kos”, Van den Tweel ta bisa. Ora di lantamentu di e partido na mei di 2015, el a imaginá su mes otro kos. “Na Boneiru tin 18 mil hende ta biba, entre nan liberal tambe”, e ta bisa. “Na 2012 ku elekshonnan di Tweede Kamer nos tabata tin 485 voto. Un asiento ta mas o ménos 800 voto. Ke men tabatin ánimo e tempu ei.”
Ku un departamentu di VVD na Boneiru mester a ampliá e kantidat ei di votadó. E elekshonnan oropeo di 2014 ta un promé midimentu. VVD ta kue mas o ménos 200 na Boneiru, pero no tin masha ánimo. E porsentahe ku a presentá inkluso voto imbálido i blanku tabata 11.5 porshento. Esei ta leu bou di e promedio na Hulanda (37.7 porshento) i Oropa (42.6)
Partido lokal
Entretantu despues di e reformashonnan estatal di 10-10-’10 Hulanda no ta popular serka e pueblo lokal. “Pueblo bonerianu no ta kla pa VVD den elekshon. E pueblo ta anti-makamba i anti VVD”, sekretario Hans Els ta bisa na ougùstùs di 2014. Van den Tweel no ta di akuerdo: “Personalmente nos no a eksperiensiá esaki asina komo miembro di VVD bonerianu”, e ta bisa awor.
Segun Van den Tweel esaki no ta kita ku ta difísil pa kibra e hegemonia tradishonal kòra-bèrdè (PDB/UPB) den polítika boneriano. E ta keda para ariba ku sigur sigur tabatin entusiasmo pa un zonido liberal. “Pero kisas un partido liberal lokal lo tabata mas mihó.”
Pobresa
Un kousa importante pa e resultadonan malu pa VVD Boneiru ta ku pobresa despues di 10-10-’10 ta oumentá eksplosivamente. Van den Tweel: “E gabinete di PVDA i VVD no a reakshoná sufisientemente riba e nesesidatnan i fayonan den e maneho di e islanan BES. Esaki ta konta espesialmente pa Boneiru, ku PVDA tabata i ainda ta responsabel p’e den gabinete.
Ta kaba ku PVDA. E partido segun e miembro di VVD tabatin ‘poko òf niun sorto di interes den islanan BES’. “E falta di atenshon i akshon aki di espesialmente PVDA a pone ku a nase un atmósfera antimakamba, ku komo resultado konkreto e rechaso na e referèndem.”
Dia 18 di desèmber 2015 Boneiru a tene un referèndem tokante kon duna kontenido na un laso estatal ku Hulanda. Kasi 68 porshento di e bonerianunan a vota kontra.
Ambishon polítiko
Van den Tweel, aktivo den polítika na Hulanda pa hopi aña kaba, no tin ambishon polítiko mas na Boneiru. Ni serka un otro partido tampoko, e ta bisa.
Outor Pieter Hofmann