Naomi Giterson (33) ta midi preshon di un pashènt di Marilyn Moses | Potrèt: Dick Drayer
WILLEMSTAD: “Marilyn ta honesto i e tin kurason pa hende. Hopi nesesario den polítika. Ademas e sa di kuido di salubridat i na esaki – ta mi opinion personal – mester kambia hopi na Kòrsou.” Na palabra ta Naomi Giterson. For di 2002 e ta enfermera i asistente di Moses, e fundadó di Movementu Progresivo.
Elekshonnan 2016, Ret Karibense ta presentá e partidonan: Parti 13 Movementu Progresivo
“Ounke mi a pasa 5 aña na Hulanda pa kaba mi estudio”, Giterson ta hari. “Ora mi a bini bèk na 2014 mi ‘doño di trabou’ a bira polítiko.”
Plan
E sala di espera ta kasi bashí. E asistente di dòkter ta midi preshon di señora Martina i despues ta wak e agènda di dr. Moses. “Mi ta planeá e dia minusiosamente, pasobra dòkter ta hopi okupá.” Espesialmente promé ku elekshon esei ta nesesario, segun Giterson. Tòg, asina e ta sigurá, Marilyn semper t’ei meinta, niun pashènt no ta sufri bou di e karera polítiko di e dòkter.”
Midi
E pashèntnan mes ta un bon manera pa midi i haña sa mas tokante di abusu den kuido, Giterson ta bisa. “Espesialmente pashènt di SVB ta pasa malu. Propio riesgo, mal previshon di remedi, yen di kos. Marilyn ta esun di promé un ku ta tende den kiko nan ta pasa.”
E forsa di Marilyn, segun Giterson, ta su komunikashon. “E ta kla i interesá. Ora bo papia kuné ta manera bo ta papia ku bo mihó amiga.
Pobresa
Marilyn nunka no ta hasi e kosnan ku e ta hasi ku interes propio, Giterson ta haña. “E ta hasié pa e hendenan. Bo ta sinti esei na tur kos. Su fókùs den su ofisina ta pa hende pober.”
“Tin bia mi ta bai kuné bai bishitá pashènt. E ora ei mi ta spanta di mira kuantu pobresa tin na Kòrsou. Mi no tabata sa. Marilyn a mustra mi ku tin un otro banda di Kòrsou. Un Kòrsou ku e ke trata kuné den polítika. Ta p’esei e ta haña mi voto.”
Outor Dick Drayer