E presentenan na e selebrashon sobrio 43 aniversario Totolica – potrèt: Dulce Koopman
WILLEMSTAD – Ounke ku Asosashon di Mayor Totolica a kumpli e aniversario respetá di 43 aña resientemente, tòg esaki no ta motibu sufisiente pa un selebrashon grandi. Tin varios asuntu ku ainda ta preokupa direktiva dje fundashon ku ta traha na bienestar di personanan ku hendikèp fíisiko i mental. Ta pesei tabatin un selebrashon sobrio na Totolica na Mon Repos.
Presidente Junny Harms ta sklama pa realisashon di e kas alternativo pa klientenan di Totolica, ora ku yega momentu ku nan no por biba serka nan mayornan mas. E ‘Homber Protektor’ di Totolica, Herman George, kende alabes ta eks direktor di Fundashon Kas Popular, ta enfatisá e urgensha i nesesidat dje proyekto aki.
Dulce Koopman ta papia ku Junny Harms
Junny Harms ta lamenta ku e ounke proyekto ku ta durando kuater aña i ainda e no ta den posishon pa duna e mayornan e notisia positivo ku tin progreso den konstrukshon di e lokalidat di bibienda alternativo pa nan yunan.
E presidente di Totolica ta hasi un apelashon direktamente riba prome minister Be Whiteman, ku banda di su posishon di prome mandatario, ta un persona ku eksperensha den e sektor di kuido di salú, pa duna atenshon na e problematika aki. E kaso ta hopi urgente, pasobra ya kaba tin mayornan ku a muri i nan yunan hendikèp a keda atras sin un kaminda pa biba i hende ku por wak nan.
Herman-George (r) beschermheer di Totolica – potrèt: Dulce Koopman
Konstrukshon
Di su parti e ‘beschemheer’ di Totolica, Herman George, ta konfirma ku den pasado FKP a hasi varios konstrukshon den estrecho koperashon ku Totolica. Konstrukshon dje kompleho di bibienda ku Totolica ta pendiente di dje, tambe mester bira realidat tan pronto posibel, Herman George ta urgi.
Outor Dulce Koopman