Minister plenipotensiario di Aruba Alfonso Boekhoudt – potrèt: Arubahuis
ORANJESTAD – Gabinete arubano ta rabiá ku e nombramentu di Alfonso Boekhoudt komo gobernador i awe a kanselá nan konfiansa den dje. E aktual minister plenipotensiario mester despedí pa 1 di novèmber.
Esaki a disidí awe den Konseho di Minister.
Ret Karibense a publiká kaba ku minister Ronald Plasterk di Asuntunan Interior i Relashonnan den Reino personalmente a nominá Boekhoudt pa gobernador di Aruba. Esaki a kai masha malu serka e gabinete di Mike Eman ku tabatin preferensia pa un otro kandidato.
E nombramentu aki ‘tras di lomba’ di gabinete arubano a pone ku tur minister a kanselá nan konfiansa den Boekhoudt. Pasobra el a aseptá e puesto sabiendo ku gabinete ker a nominá un otro kandidato, segun fuentenan den gobièrnu.
Outor Sharina Henriquez