Minister Ronald Plasterk – potrèt di archivo: John Samson
DEN HAAG – Minister Ronald Plasterk (Asuntunan Interior i Relashonnan den Reino) ke nombra un opservadó pa pone òrdu riba asuntunan den e munisipio di Sint Eustatius.
Esaki el a bisa awe den Tweede Kamer. Gabinete basta tempu kaba tin preokupashon grandi pa e manera ku ta goberná e isla.
Plasterk ta bisa ku e presupuestonan tin añanan kaba ku nan no ta na òrdu i ku kada bia e mandatarionan lokal no ta kumpli ku e palabrashonnan ku e diferente ministerionan. P’esei tin un konflikto kumulativo entre e isla i e minister. Un opservadó asina aworó mester bai mete den e gobernashon diario, pa asina e situashon riba e isla drecha.
E simannan binidero tin ámtenar haltu ta reuní ku minister Plasterk pa haña un opservadó adekuá. Ta buska un hende ku hopi eksperensia den gobièrnu, kisas un hende di Hulanda oropeo mes, pa un òf dos aña.
For di parlamento e minister ta haña sosten amplio pa sigui intervení na Sint Eustatius. “Si ta na VVD, por hasi un reset grandi”, segun e parlamentario André Bosman.
Supervishon mas severo
Si ta na e parlamentario Roelof van Laar (PvdA) Den Haag mester por aktua direktamente tambe kontra mandatario lokal òf amtenar lokal ku ta opstruí mandatario hulandes oropeo.
Ainda no ta eksistí legislashon p’esaki. Minister Plasterk awe a primintí parlamento pa investigá e posibilidat aki.
Outor John Samson