KRALENDIJK – Inspekshon di Hustisia i Seguridat ta señalá ku kuater aña despues di su promé rapòrt ku rekomendashon pa un solo sentral di alarma i un number di alarma so pa BES, nada no a sosodé ku e rekomendashonnan aki.
Tin un number sentral na Boneiru, Saba i Sint Eustatius, pero e notifikashonnan ta yega solamente serka polis. Ta yama brantwer i ambulans direktamente. “Ta konvoká e bomberonan un pa un via telefon .”Segun e servisio di inspekshon esaki ta kousa retraso sin nodi i indeseabel.
Nesesario den kaso di tempestat tropikal
Un sentral di alarma pa BES ta nesesario tambe ora mester dirigi kalamidat grandi manera un tempestat tropikal.
For di 2012 tin un sentral di alarma ku mester a bira e sentral di alarma konhunto pa BES. Pero for di 2015 e desaroyo aki ta pará ketu, inspekshon ta bisa, pa falta di un hende spesialisá ku por ehekutá e asuntu.
E stashon base di e sentral di alarma na Sint Eustatius ta pará sin usa na e bentana di atmishon di warda di polis i na Saba e ta keda den un kamber na ofisina di polis.
