ORANJESTAD – Operashon Libertat a salba kasi 350 víktima di trafikashon di hende na Merka Latino i den Karibe. Na Aruba i Kòrsou tambe tabatin invashon.
Segun Interpol a fòrsa e hòmbernan, muhénan i mucha pa traha den naitklup, fábrika, finka, mina i na merkado. Tin di nan tabata traha den kuarto no mas grandi ku un kaha di morto.
A detené 22 hende. Na Aruba e atenshon a bai espesialmente pa un grupo di orígen di India ku ta den bendementu di hoya, paña i den restorant.
Gobièrnu kanades a finansiá e operashon pa dos aña i tambe a train agente spesial. Banda di polis di Aruba i Kòrsou, tabatin polis di Brasil i Venezuela tambe envolví.
Poko tempu ei Aruba a lanta un tim spesial kontra trafikashon i kontrabanda di hende.
