KRALENDIJK – Na momentu ku e urnanan na Hulanda a sera na distrito elektoral 20 ainda por vota sinku ora mas. Na distrito Boneiru, ku Saba i Sint Eustatius tambe ta pertenesé na dje, no ta popular pa vota pa Tweede Kamer. Na 2012 apénas un kuart a bin vota.
Ounke ku na Boneiru no tin kareda largu di votadó, manera na sierto lugá na Hulanda, e asistensha ta ‘mas ku a ferwagt’, e presidentenan di e tres sentronan elektoral ta bisa na mitar di e dia. Un di kuater persona no ke bisa nada i ta referí na sentronan elektoral prinsipal, pero esei no alkansabel. Pero asta ku un asistensha mas haltu ku na 2010 ta parse improbabel ku lo alkansá e drèmpel di 50 porshento.
Bòikòt
E movementu Nos ke Boneiru bèk (NKBB) di James Finies ta bisa ku sentenar di hende a hasi loke el a pidi, esta destruí nan pas di vota, of entreg’é serka dje. Finies ta haña ku Hulanda ta goberná Boneiru kolonialmente i ku nan no ta respetá pueblo
No tin rei largu, pero e kantidat ku ta bai sentro elektoral Jong Bonaire ta ‘mas ku a spera.’ Potrèt: Gijs van den Heuvel
Na e sentro elektoral ku mas tantu hende, Jong Bonaire den sentro di Kralendijk, nos ta topa Ramonsito Booi. E ta un di e arkitektonan di e státùs aktual di Boneiru komo entidat públiko òf munisipio ekstraordinario di Hulanda. “Mi ta vota CDA òf D66”e ta bisa na entrada. “Hende ku no bai vota no sa kiko ke men demokrasia.” Djis pasobra tin kos ku no ta bai bon no ta un motibu pa no vota. “Bo mester tira bo voto pa despues bo por habri bo boka”
Interes bonerianu
CDA parse favorito na Boneiru. D66 tambe tin su hendenan. “Ami a vota Ineke van Gent di GroenLinks”, un votadó na sentro elektoral Nort Saliña ta bisa. E èks parlamentario ta abou na lista di e partido di Jesse Klaver.”Semper el a sali pa interesnan di Boneiru.”
No tin rei largu, pero e kantidat ku ta bai sentro elektoral Jong Bonaire ta ‘mas ku a spera.’ Potrèt: Gijs van den Heuvel
Un votadó hóben ke laga sa ku e ker a vota pa Piratenpartij. “Pero nan no ta representá aki.” Aparentemente e no sa ku e partido aki a risibí muchu poko sosten na Boneiru. “Awor mi a vota pa mi di dos eskoho.” E no ke bisa ta ken.
Un votadó grandi di edat na Jong Bonaire ta bisa ku e lo vota blanku. E ta di akuerdo ku NKBB ku Hulanda no ta anda bon ku e munisipionan ekstraordinario karibense. “Pero bo mester usa bo derechi di vota.
