WILLEMSTAD – “Nos ta konsiente di tur loke a pasa na Sint Maarten i nos ta hasi nos bèst pa yuda tur hende ku tin mester di yudansa” Esaki ta palabranan di su Mahestat Rei Willem-Alexander despues di a sali un reunion na Servisio Meteorológiko di Kòrsou pa asesorá kordinashon di sosten humanitario na islanan ariba.
Idioma: Hulandes. Outor José Manuel Dias
Willem-Alexander a yega Kòrsou djadumingu mèrdia kompañá pa minister Ronald Plasterk enkargá ku Asuntunan di Reino. Despues di e reunion na Meteo a sigui un bishita na Hospital Sint Elisabeth kaminda Willem Alexander i Plasterk a papia ku algun di e víktimanan di orkan Irma ku a keda transportá pa Kòrsou pa risibí tratamentu médiko.
Djaluna mainta Rei Willem Alexander i su delegashon ta biaha pa Sint Maarten pa pone su mes personalmente na altura di e magnitut di e dañonan kousa pa orkan Irma.
