WILLEMSTAD – Asosiashon di Mayor Totolica, despues di 45 aña ainda ta lucha pa redusí e listanan di espera pa persona ku limitashon por risibí e diferente servisionan ku nan tin derecho riba dje. Totolica ta satisfecho ku e aseptashon serka komunidat atraves di aňanan, pero tin kos ku ainda mester haňa atenshon. Entre otro Totolica ke mas tantu oído ora ku yuda e mayornan di kliente ku limitashon.
Resientemente a rekordá e echo ku 45 aña pasá a funda Totolica. Durante dje selebrashon Dulce Koopman a puntra e fundadó prinsipal di Totolica, Amintha Sprockel, kiko a kambia durante di 45 aňa.
Amintha Sprockel den kòmbersashon ku Dulce Koopman
Segun Amintha Sprockel, tur kos ta kla pa kuminsá ku konstrukshon dje kas pa personanan ku limitashon. “Mientrastantu debí na e tardansa, e proyekto ta bira mas karu. “Esaki ta un desepshon pasobra e kas tabata un di e kosnan ku Totolica ker a logra pa su 45 aniversario”, asina Amintha Sprockel, a menshoná.
