WILLEMSTAD – Atleta kurasoleño ainda no por kompetí riba e nivel di mas haltu. Asina a resultá atrobe serka deportista ku a kalifiká pa Weganan Panamerikano na yüli. Despues di weganan olímpiko e weganan kontinental aki ta e nivel di deporte di mas haltu pa e deportistanan kurasoleño.
Siklista Hillard Cijntje ta un di e tres deportistanan ku a kalifiká huntu ku ko-siklista Lisa Groothuesheidkamp i Jolano Lindelauf pa karate. Cijntje ta bisa ku ta ‘heartbreaking’ si despues di un lucha largu pa kalifikashon tòg e no por bai Weganan Panamerikano.
E problema ta eksistí for di tempu ku Kòrsou a bira un pais outónomo den Reino (10-10-10) i ku e isla tabata ke su propio bònt i membresia olímpiko.
Deporte kumbre despues di 10-10-10Desmantelashon di Antia Hulandes i e formashon di e paisnan outónomo Kòrsou i Sint Maarten a horka deporte na nivel mas haltu ku por tin na e islanan. |
Pero e reglanan di Komité Olímpiko Internashonal (IOC, International Olympic Committee) ainda no ta pèrmití esaki. Ku konsekuensha ku atleta no por partisipá mas na torneo internashonal i ta hala afó. Ademas kasi no tin plaka. Miembro olímpiko por ehèmpel kada aña por demandá 550 mion dòler pa desaroyo di deporte.
Segun Nicole Hoevertsz, ku ta miembro di tantu e direktiva mayó di Weganan Olímpiko komo Weganan Panamerikano, ta bisa ku ta lucha pisá pa laga atleta kurasoleño partisipá atrobe na e nivel di mas haltu ku por tin.
Ke men tòg ainda no ta posibel pa Kòrsou bira un miembro ful na e nivel olímpiko di mas haltu, loke ta espesialmente un asuntu polítiko i finansiero. Tin 206 komité olímpiko i é bolo ku tin di parti no ta bira mas grandi’, Hoevertsz ta bisa.
Bou di bandera di Aruba
Hoevertsz ku ta sekretario general di e Komité Olímpiko Arubano entretantu a ofresé si pa e tres deportistanan kurasoleño por partisipá na w Weganan Panamerikano bou di bandera di Aruba.
Direktor Jean Francisca di Federashon Deportivo Olímpiko Kòrsou (FDOK), ta konfirmá ku algun siman pasá a ofresé esaki i ta bisa ku awor en bèrdat esaki ta e úniko posibilidat. Pa awóraki ta un solushon entremedio, e ta bisa, ‘un paso den bon direkshon’. Pasobra e ta spera ku otro aña kaba Ýu di Kòrsou por kompetí normalmente bou di nan mes bandera den tur torneo grandi’.
Olímpiko nò
Kaba FDOK no por yama su mes olímpiko niun ora so, Hoevertsz ta splika. “Ta solamente organisashonnan ku IOC ta rekonosé por hasi esaki. Ofishalmente IOC por para esaki i a bisa FDOK esaki algun bia kaba. Pero ta tolerá esaki tòg pasobra na final nos ke yega na un akuerdo.”
E di mas alkansabel den futuro serkano ta ku Kòrsou ta bira miembro asosiá; e no ta haña derecho di vota ni plaka, pero en todo kaso e atletanan por partisipá na Weganan Olímpiko.
