Portrèt: Marit Severijnse

KRALENDIJK – Ta mustra manera e prohibishon riba plèstik di tira afó por lo pronto lo no bini. E fase di pilot bon mirá mester a kuminsá e luna aki pa duna empresa sufisiente tempu pa e komienso na yanüari 2020. Pero ora a puntra a resultá ku esaki no ta e kaso.

Entidat Públiko Boneiru na 2018 kaba a aseptá e moshon i aña pasá a firma e deklarashon di intenshon, pero no a bini un prohibishon. “Lástima, pasobra e alternativanan tei”, Roland Verbeek, hefe di komersio por mayor Bonaire Logistics ta bisa. “Si nos ke presentá Boneiru komo ‘blue destination’ nos no por ta delaster den e rei ku ta stòp ku plèstik di tira afó.”

Disponibilidat di stakeholder

Boneiru Duradero, organisashon partner di Fondo Mundial di Naturalesa, aña pasá den koperashon ku Direktorado di Espasio i Desaroyo, a organisá seshonnan di trabou kaminda diferente importadó, supermerkado, hotèl i restorant, por a duna input tokante alternativa pa plèstik, implementashon i reto relatá na e sektor.

“Mayoria di e empresanan ta konsiente di e impakto negativo di plèstik i tin di nan ta hasi uso kaba di alternativa duradero”, organisadó Sharon Bol ta konta. Asina supermerkado Van Den Tweel un aña pasá a stòp ku bendementu di tas di plèstik na kaha i den nan kafé nan ta usa solamente emboltura ekológiko.

Na hotèl Harbour Village nan ta remplasá tur e bòternan chikí di shampo ku bulk dispenser, nan ta bende bòter di awa i nan tin stashon pa yena awa ku beker resiklabel.

Gastunan ta konta mas pisa ku medio ambiente

Ounke ku tin sufisiente alternativa duradero, pa motibu di e diferensha di preis ainda no ta kumpra nan hopi. Bendedó na mayor ainda ta bende kantidatnan grandi di emboltura di plèstik i fom.

Bo por kubri Klein Bonaire tres bia ku e kantidat di baki di fom ku nos a bende aña pasá,” Roland Verbeek ta konta. E ta un di e bendedónan na mayor di mas grandi di e isla ku ta ofresé emboltura duradero.

I nos ta esun di mas chikí na e isla, esei ta mustra kon grandi e problema ta. Segun Ronald por yuda si kita e derechonan di duana riba emboltura duradero.

Manera ta konta tambe pa outo eléktriko. Tin mas o ménos dies di nan ta kore riba e isla, pero tin mas ku mei mion kaha di styrofoam.

Falta di informashon i edukashon

Tambe bou di empresario tin un falta di konosementu general tokante ki produkto ta mas responsabel. “Nos mester di direktiva kla pa por prepará tur departamento den e edifisio i kumpra e kosnan nesesario”, direktor di marketing Jessica Gonzales di Hotel Harbour Village ta bisa.

“Por ehèmpel tin saku biodegradabel, biokompostabel i òksokompostabel; kiko e terminologianan ei ke men i kua ta mihó pa medio ambiente”, e ta puntra su mes.