WILLEMSTAD – Den e bario kurasoleño Otrobanda e habitantenan mes ta lanta diferente hòfi di pueblo den bario. Huntu nan ta traha pa kria bèrdura i fruta pa e otro habitantenan.
por Kim Hendriksen
“Durante Covid-19 nos a kuminsá parti pakete di kuminda. Nos ta mira e nesesidat di esaki pero nos ta realisá tambe ku nos no por jeda parti pakete di kuminda”, Kurt Schoop ta konta. Na nòmber di e inisiativa ‘Kaya Kaya e ta envolví den e proyekto di hòfi di bario.
Yuda bo mes
E idea pa traha e hòfinan ta bini di e organisashon ‘Kaya Kaya’ i Fundashon Ser’i Otrobanda. Tur dos inisiativa ta yuda trese habitante di bario huntu i lanta nan bario. “Nos ta aspirá pa mas hende por yuda nan mes yudando nan kria bèrdura i fruta nan mes”, Schoop ta bisa.
