KRALENDIJK – Sekretario di estado Raymond Knops di Relashonnan den Reino durante su bishita di trabou na Boneiru ainda no a risibí un petishon pa sosten di corona èkstra. “Mi a tende espesialmente di e representantenan ku nan ta kontentu ku e liñanan ta kòrtiku, ku a aktua rápidamente i ku e hendenan a haña nan areglonan lihé.”
Staatssecretaris Knops over de steun aan Bonaire
Knops entre otro a bishitá Fundashon Mariadal i e banko di kuminda. “Na e banko di kuminda mi a mira kiko ta e bandanan mas skur di e situashon ku nos ta aden aworakí. Sierto grupo den e sektor turístiko hopi bia ta èkstra vulnerabel. Meskos ta konta pa hende ku ta dependiente di mas ku un trabou. Mi tabata impreshoná di e empeño di e boluntarionan ku ei kon ku nan por ta komponé pakete.”
Pobresa ta un punto di agènda ku segun e, Tweede kamer lòs di corona ta traha ariba tur ku tin. “E krísis aki ta kore pasa dor di esaki. Nos lo evaluá e progreso promé ku fin di e término di gobernashon aki. E ora ei lo mira kiko ta nesesario.”
Kontentu ku e akuerdo di gobernashon, no tantu ku e progreso’
E progreso di e akuerdo di gobernashon segun Knops sí por bai mas rápido. Tambe den e kuadro di gobernashon drechi por pone paso ainda. “Bon gobernashon ta importante i ta un tema ku nos lo keda menta. Den esaki tin hopi di hasi ainda.”
Medida èkstra di corona
Gezaghèber Edison Rijna despues di e relato di e sekretario di estado a bisa ku lo tuma medida èkstra di corona awor ku e kantidat di infekshon aktivo a subi bira kuater.
Asina entrante djabièrnè lo kanselá e air bubble ku Kòrsou loke ta nifiká ku bishitante di eksterior promé mester bai den karentena dos siman. Biahero di Oropa for di 14 di sèptèmber ta obligá pa hasi un tèst di corona 72 ora delantá. Ademas entre otro mas bishitante di hóreka mester registrá; na fiesta privá por tin maksimalmente 25 persona i aktividat deportivo por lo pronto lo ta sin públiko.
Segun Rijna ainda tin hende ku no ta mira e seriedat di e situashon. “P’esaki tambe tin medida èkstra.” Por lo pronto skolnan por keda habrí.
