Tropenmuseum ta kontentu ku e bishita di reina Máxima na e eksposishon ‘Onze koloniale erfenis’ (Nos herensia kolonial, trad.). Ta su di dos bishita di trabou den poko tempu na un eksposishon asina. Kas real ta pieda kaminda pa un despensa hulandes pa e pasado di sklabitut?
Reina Máxima ta bishita e eksposishon kolonial, un asuntu fèrfelu?(video: Sam Jones)
Wayne Modest – direktor di Nationaal Museum voor Wereldculturen (Museo Nashonal pa Kultura Mundial, trad.) no tin un kontesta direkto pa esaki. “Pa nos ta importante ku ta ofresé un despensa.” Modest ta yama esaki un paso pa dil ku e pasado kolonial.
Wendeline Flores – konserbador Área Karibense i Historia Kolonial ku tambe ta envolví den e rekorido di reina – no ta yama e bishita un akto di popularidat. “Mi no sa kiko ta e intenshon di reina den e área ei.”
El a haña e interes i e preguntanan ku e reina tabatin den tur e salanan remarkabel. “Loke ta masha bunita ta ku ta papia ofer di e tópiko aki. Nos ta ripará ku ta duna atenshon na e pasado kolonial di Hulanda.
Modest tambe ta kontentu ku e bishita: “Mi ta spera ku propaganda ku boka lo bai masha lihé despues di e bishita di Reina Máxima na nos eksposishon.”Tambe e ta bisa “No ta vulnerabel solamente pa kas real. Ta un tópiko delikado pa nos tur ku ta biba aki na Hulanda.”
‘No ta vulnerabel solamente pa kas real’
Pasobra kas real tambe a enrikesé nan mes ku sklabitut. Pero Flores tambe ta preferá di mira e kos mas amplio. Kisas tòg ta un asuntu fèrfelu, e envolvimentu real den sklabitut?
“No, no tabata niun tiki fèrfelu i mi ta pensa ku ta pasobra pa nos esaki ta trata di tur hende. Pues sí, ta trata di Reina tambe. Pero ta trata di kada bishitante ku drenta aki den, nan ta parti di nos herensia koloniál.”
Tropenmuseum ta konsiente di su lugá den e fail di sklabitut. “No tabata forma parti di e sistema kolonial pues nos ta sinti nos obligá pa hasi algu ku e tema di despensa. E aña binidero nos ta bai wak kiko 150 aña di abolishon di sklabitut ta nifiká pa nos.”
Kon ta pará ku un despensa na e área karibense?
Espesialmente despensa pa Sürnam ta haña atenshon. Apénas ta papia di un despensa na e paisnan i islanan karibense. Modest komo direktor di e museo no ta sinti e nesesidat pa tin un opinion tokante esaki.
“Mi ta haña importante pa wak kiko a sosodé despues. Kiko ta e responsabilidat ku bo ta tuma únabes ku bo pidi despensa.”
