Sigur seis polítiko na Aruba ta envolví den kaso di korupshon. Miéntras ku awe lo kai un kondena definitivo pa èks minister Paul Croes (AVP), na e isla atrobe tin un invashon di polis.
Awe despues di kasi sinku aña e kaso penal kontra Paul Croes a kaba definitivamente. Te na Korte Supremo a konden’é pa korupshon, entre otro pa motibu di estafa ku pèrmit di labor. E ta haña tres aña di kastigu di prizòn i pa ocho aña e no ta permití pa ta aktivo den polítika.
Ya for di kuminsamentu di e kaso di korupshon aki e polítiko a bisa ku loke el a hasi ta algu ku ‘tur polítiko na Aruba’ ta hasi. Un argumento ku un otro polítiko sospechoso tambe a usa.
Invashon nobo na Aruba
No ta solamente e partido di oposishon AVP ta envolví den kaso di korupshon, sino tambe e partido di gobernashon aktual MEP i e partido poko mas chikí POR.
E outoridatnan awe a atrobe a invadí na kuater sitio na Aruba. Ta asumí ku ta trata di korupshon ku kòntrakt di trabou, ku èks minister Chris Romero a sera. Romero ta kopartidario di e promé minister aktual Evelyn Wever-Croes (MEP). Den su promé gabinete e tabata minister di transpòrt, komunikashon i agrikultura.
Diferente kaso di korupshon ta serka wes awor
Tin mas investigashon di kaso penal ta tuma lugá. Den e lunanan binidero ademas ta ferwagt dos sentensia di wes.
Paul Croes (sintá di dos di man drechi) i Benny Sevinger (pará su tras) durante un beter poko tempu ei na okashon di fayesimentu di un kopartidario (potrèt: Patrich Paskel)
Èks minister Benny Sevinger (AVP) e kuartal aki ta tende wes dikta sentensia den e kaso di korupshon grandi Avestruz. Ta sospech’é di estafa ku tereno di gobièrnu durante e gabinete di èks promé minister Mike Eman. Tambe ta sospechá ámtenar i empresario di soborno.
Serka e delaster elekshonnan a elegí Sevinger di nobo komo parlamentario, miéntras ku e tabata será.
E ta usa e mesun argumento ku Paul Croes, ku loke el a regla pa empresario lo tabata normal den polítika arubano.
Oduber sospechoso di malversashon i soborno
Den e kaso di korupshon Flamingo ta sospechá un otro èks minister di estafa: Otmar Oduber
E tabata minister di entre otro turismo den e dos gabinetenan di AVP (2009 – 2016). Despues di konflikto ku AVP, el a kuminsá su propio partido POR. Ku esei el a gana 2 asiento den e elekshonnan di 2017.
E tabata minister di entre otro turismo den e dos gabinetenan di AVP (2009 – 2016). Despues di konflikto ku AVP, el a kuminsá su propio partido POR. Ku esei el a gana 2 asiento den e elekshonnan di 2017.
Algun aña despues di repente el a sali for di polítika. Oduber e ora ei ta duna su salú komo motibu pa su baimentu. No muchu despues ta sali ku hustisia ta sospech’é di korupshon ku tereno di gobièrnu, di labamentu di plaka i di ta lider di un organisashon kriminal.
Dos siman pasá pa promé bia despues di hopi tempu Oduber a duna un rueda di prensa. El a konta ku diferente keho kontra dje a kaduká. Ta malversashon i soborno so tei ainda, segun Oduber.
Na mart tin veredikto kontra Howell
Algun dia despues di e konferensia di prensa, su kópartidario Alan Howell ta tende ku hustisia ta eksihí 24 luna di kastigu di sèl kontra dje pa malversashon di kaso 200.000 na supsidio di partido. Fin di mart wes lo dikta sentensia.
E keho di hustisia na mart di 2021 tabata motibu pa promé minister Wever-Croes laga su promé gabinete – ku tabata un koalishon entre MEP, POR i RED – kai.
Representante di gobièrnu na Den Haag tambe ta sospechoso
E èks minister plenipotensiario Guillfred Besaril (MEP) tambe ta den spòtlait pa motibu di korupshon.
Na yüni 2022 Besaril na Den Haag di repente a anunsiá su despedida. Lo el a hasi esaki pa motibu di sirkunstansia di famia. E tempu ei kaba tabatin un investigashon na Arubahuis di e gastunan haltu ku Besaril lo tabatin pa fiesta privá i biahe.
Banda di esei Besaril lo a hür un kas riba kuenta di Arubahuis. Esei miéntras ku e ambtswoning ku tei pa su funshon, tabata bashí.
Na yanüari promé minister Wever Croes a konta parlamento ku a hasi denunsio i Ministerio Públiko ainda ta investigando e kaso.
