Portrèt: Natasja Gibbs

PHILIPSBURG – Polis siman ku a kaba a haña un arma di kandela, hopi telefon i arma trahá den e prizòn Pointe Blanche di Sint Maarten. Segun direktor di prizòn, Edward Rohan, no por ta otro ku ta e wardadónan di prezu di anochi a trese e kosnan aki paden pa un suma di plaka.

Direktor di prizòn Edward Rohan ta papia ku Natasja Gibbs (ingles)

For di 2012 Rohan ta direktor di e prizòn notorio Pointe Blanche na Sint Maarten. For di su nombramentu e ta lucha kontra situashonnan insoportabel i korupshon den su prizòn, pero pa falta di plaka i personal segun e, e ta lucha un guera pèrdí.

E arma di kandela ku a haña siman ku a kaba den prizòn di Sint Maarten – potrèt OM Sint Maarten

Bishitantenan ta inosente
Kontrali na loke medionan di publisidat ta bisa riba e isla, Rohan no ta kere ku e bishitantenan di e prizòn tin algu di hasi ku e artíkulonan prohibí den e prizòn. “Último dos aña nos no a gara niun bishitante ku a trese kontrabanda den prizòn. E bishitantenan no ke pèrdè nan chèns di mira nan sernan kerí. Si gara nan ku kontrabanda mésora ta ninga nan entrada permanentemente. Nos ta kontrolá masha bon”, e direktor di e prizòn ta bisa.

E security chèck kaminda ta chèk tur kos ku man pasobra e aparato pa skèn ekipahe ta dañá – potrèt: Natasja Gibbs

Pero mei ora promé ku e entrevista ta logra pa pasa security ku un tas yen i un telefon selular. No ta kla si tabata un eksepshon konsiente. Rohan ta reakshoná sorprendí ora e mira e telefon selular. “Nò, bon mira esei no ta e intenshon, tende.” Ora di tuma despedida e ta konta ku e aparato di skèn ekipahe tin basta siman kaba ku e no ta traha i ku ta p’ései tur kòntròl ta sosodé na man. No tin plaka pa drech’é òf pa un nobo.

Korupshon organisá

E direktor di prizòn ta konvensé ku un grupo organisá di bewaker den anochi ta pasa kontrabanda pa e prezunan. “Mi tin sigur ku ta e tim di anochi pasobra tin tiki supervishon i tin ménos seguridat i nan ta tuma e riesgo.Nan mester ta un grupo, esei ta e úniko splikashon ku mi por haña p’esaki.”

“E kabes di vigilansia tambe a bisa kaba; No ta solamente un persona. Pasobra ora nos listra un sèl nos ta haña no un sino mas telefon. I ora nos bai bèk despues di kuater siman, atrobe nos ta haña binti. E ora ei bo ta pensa: eh eh tin un hende ta ganando plaka aki.”

Ku e situashon den e prizòn ta insoportabel, ta sali tambe den e último 24 rapòrtnan devastador di e Komishon di Progreso for di Hulanda.

Situashon insoportabel
Segun e direktor di e prizòn pa motibu di e falta króniko di personal ta kasi imposibel pa trata korupshon bou di su personal na un manera drechi. Ku e situashon den prizòn ta insoportabel ta sali tambe den e último 24 rapòrtnan devastador di e Komishon di Progreso for di Hulanda. E komishon ta insistí riba mehorashon. E minister di Hustisia nobo, Raphael Boasman, a bisa algun siman pasá durante di su nombramentu ku e prizòn ta un di su prioridatnan. No opstante petishonnan ripití e minister no ker a reakshoná.