BREDA – “Nan a yega di bisa mi ku mi no ta kumpli ku e ideal di bunitesa pasobra mi nanishi ta muchu hanchu”, e yu di Kòrsou Alexandra Atalita (24) di Breda ta konta. Djadumingu awor e ta kompetí pa e título di Miss Noord-Brabant. E no ke pensa mes riba siruhia plástiko pasobra e ta orguyoso di su desendensia.
Masha tempu kaba Alexandra no ta un eksepshon segun e periodista di lifestyle i aktivista di moda Janice Deul. “Hende hóben ta orguyoso di nan desendensia afrokaribense, nan outentisidat i etnisidat i tambe nan ta selebrá e karakterístikanan di aparensia ku mayoria bia ta bai ku esaki.”
E asina yamá ideal di beyesa oksidental den forma di ‘bon kabei’ , kútis koló kla i un nanishi smal, pa e motibu aki bou di e generashon nobo di hóben afrokaribense ta parse ku ta birando ménos popular.
Alexandra Atalita ta kombersá ku Natasja Gibbs
E orguyo i akseptashon di nan mes ku ta kresiendo bou di hóben afrokaribense, ora ta trata di nan aparensia, segun Deul a oumentá pa motibu di un realisashon fuerte di identidat i un
Janice Deul – Potret: archivo personal
sintimentu mas grandi di solidaridat den e grupo aki. Danki na Facebook, YouTube i Instagram hende hóben di koló tin kontakto ku otro mundialmente.
Esei ta promové e sintimentu di solidaridat, rekonosementu, pero tambe e aspirashon pa apresio i pa hende mira bo.” Deul ta sigui: “E mundu di muzik i moda tambe ta kontribuí na e outokonsiensia nobo aki: hopi bia diseñadó, artista mainstream i revista ta tuma karakterístika, aparensia i estilo (di kabei) ofer di (sup)kultura pretu òf otro kultura. Naturalmente esaki ta bunita, pero lástimamente esaki ta sosodé sin ku e honor bai pa e usadónan òf inventornan original. Esaki ta topa ku mas i mas resistensia. I ku rason.”
E aktivista di moda ta positivo tokante e tópiko diversidat den moda, pero mes ora ta remarká ku e kaminda ainda ta largu.
“Ademas mayornan di koló tin un reto èkstra den un mundu kaminda hopi bia ainda ta falta persona ehemplar den literatura, medionan di komunikashon i moda. Un mundu ku ta demonstrá un imágen di beyesa ku hopi bia no ta kuadra ku mucha muhé i hende muhé di koló.”
‘Si bo no demonstrá tur aspekto, bon mirá bo ta bisa ku un parti di bo públiko no ta bale la pena’- Janice Deul
E fotógrafo kurasoleno Brett Russel ta di akuerdo ku Deul E mes ta masha konsiente di e influensha di su trabou riba e imágen ku hende tin di nan mes. “E kos ta kuminsá kaba ora di skohe e modelonan. Ami semper ke diversidat den esaki pasobra komunidat antiano ta diverso.”
“Esaki ta bai mas leu ku rasa; e ta den nos kultura.”Den kuadro di esaki Russel a traha un seri di potrèt remarkabel tokante e fiesta di Seú na Kòrsou.
Fotoshoot magazine Fresku – potret: Brett Russel
Russel a risibí hopi elogio pa su seri di potrèt di Seú. “Ta opvio ku mas i mas hende na e islanan ta sinti nan mes kómodo ku na identidat afrokaribense. Esei ta bunita pa mira. Awor ta un kestion di sigui, no solamente pa revista pero espesialmente pa marka i ofisinanan di casting.”
Deul tambe ta mira kambio aki aya. Un aña pasá e aktivista di moda a sinta den e programa di televishon di Pauw (un talkshow di NPO) pa huntu ku Cécile Narinx (redaktor hefe di Harper’s Bazaar) papia tokante mas diversidat den moda i medionan di komunikashon.
“Den e lunanan despues nos a mira modelo pretu riba portada di tres revista hulandes prominente i e tópiko ‘diversidat den moda’ for di e tempu ei ta riba agènda. Narinx tambe a indiká ku despues di e entrevista el a bini bei. Entre otro el a skibi un essay tokante di esaki. I poko tempu ei atrobe el a pone un hende muhé pretu beyo riba e portada di Harper’s Bazaar: bailarina Michaela DePrince, kende su historia di bida remarkabel aktualmente Hollywood ta filmando.”
Segun Deul komunidat tambe ta hunga un papel remarkabel den engrandesementu di diversidat den moda i medionan di komunikashon. “Komo individuo
Cover Harpers Bazaar – potret: Harpers Bazaar
tambe bo por ekspresá bo mes pa logra un kambio.”
“Por ehèmpel bisa ku bo ke mira mas koló riba portada, mas muhé kurpa yen, mas modelo di edat-plùs por ehèmpel. E tempu aki ta pidi pa tuma posishon, pasobra kambio no ta sosodé di mes. Bon mirá nos tur mester ta un poko aktivista. Danki na medionan di komunikashon sosial esaki por masha bon.