A honra promé hende muhé parlamentario (1949) di e islanan

10 March 2019 | Kim Hendriksen

WILLEMSTAD – Na petishon di e parlamentario Giselle McWilliam djabièrnè a honra e promé parlamentario femenino di Antia anterior, Angela Altagrasia ‘Tata’ de Lannoy den presensia di su famia i parlamentario.

Su potrèt a haña un lugá di honor banda di otronan ku a hunga un papel grandi den demokrasia di Antia Hulandes anterior. E ta e promé hende muhé ku su potrèt ta na e muraya aki di parlamento di Kòrsou.

Habri kaminda
Angela Altagrasia de Lannoy, (1913-1983), nasé na Kòrsou, riba 4 di ougùstus a hurament’é den parlamento di Antia Hulandes. For di lantamentu di Partido Nashonal di Pueblo e tabata aktivo den e departamento di hende muhé di e partido. El a habri kaminda pa hende muhé tuma parti na gobièrnu.

Na 1977 Lucina Elena da Costa Gomez-Matheeuws a bira e promé promé minister femenino di Antia Hulandes. Despues lo a sigui kuater hende muhé mas. Da Costa Gomez-Matheeuws asta tabata e di sinku promé minister muhé na mundu. Hulanda nunka no tabatin un promé minister femenino.

Angela Altagracia de Lannoy. Potrèt: Kim Hendriksen

Espasio pa mehorashon
Nos por ta orguyoso di esaki, Mc William ta haña. Tòg no ta un motibu pa no duna atenshon mas na emansipashon di hende muhé segun e: “Bo ta ripará sí den sektor privá, ku tin hopi hende muhé den direktiva i na kabes di organisashon importante. Hopi bia mi ta mira ku den hopi komishon ku ta lanta tin solamente hende hòmber. Nos mester pèrkurá pa esakinan tambe tin hende muhé den nan.”

Parlamentario Ana Maria Pauletta ta añadí: “Nos a kue hopi punto kaba pa derechi di muhé. Ta importante pa envolví e muhé den komunidat, pero espesialmente pa ‘empower’ e muhé tambe. Nos mester fókùs riba esaki awor. Pa e hende muhé sinti su mes mas sigur den un posishon ku responsabilidat.”

Kasi mitar di ámtenar ta hende muhé
3 di e 9 puestonan di minister na Kòrsou ta un hende muhé ta yen’é. Awor ku minister di Desaroyo Ekonómiko Steven Martina a baha i a pone Neysa Isenia dilanti pa tuma e funshon ofer, e relashon a bira 5 hòmber i 4 muhé. Bou di ámtenarnan di gobièrnu di Kòrsou 1.614 miembro di personal ta muhé di e total di 3.325 .

Pauletta: “E kara di pobresa te ainda ta un muhé, mayoria di kliente di Desaroyo Sosial, Labor i Bienestar ( DSLB) ta muhé, hende muhé ainda ta haña nan hopi bia ku violensia doméstiko. Tur esakinan ta punto di agènda i tema ku mester pone riba un plataforma mas haltu i tratá integralmente.”