KRALENDIJK – Un dia promé ku elekshon na Boneiru kos ta basta trankil. “Tin ménos propaganda ku e elekshonnan anterior. Ménos bandera riba outo”, shofùr di taksi Urbano ‘Ban Ban’ Nicolaas ta bisa. E ta haña esaki bon pasobra hende ta bira mas konsiente ku tin hopi hende ta pasa trabou na e isla.
14.129 persona – di kua algu mas tantu (7021)- ta hende hòmber, por vota pa un konseho insular nobo. I 12 mil por vota pa e kolegio elektoral ku despues ta skohe e miembronan di Eerste Kamer. E último aki apénas ta biba na e isla. E dies ofisinanan elektoral ta habri mitar do ocho di meinta i pa promé bia tin un ofisina elektoral mobil tambe. Esaki ta pasa prizòn komo promé lugá.
E bia aki tin kasi mil hende mas ku por vota i ta espesialmente hóben, 685 na tur. Gezaghèber i presidente di e ofisina elektoral mayó Edison Rijna a manda nan un karta personal ku e mensahe pa hasi uso di nan derechi di vota. Tambe e ke envolví nan mas den e proseso di elekshon. Ke men riba e dia di elekshon tin basta hóben ta yuda na e ofisinanan elektoral.
‘Espesialmente interes di Hulanda pa kon nos ta hasié nos mes’
-Edison Rijna, presidente ofisina elektoral mayó
Na radio di partner di media Live 99FM tambe Rijna ta hasi un apelashon pa tuma e chèns awor pa skohe un propio gobièrnu pa ‘aworó nos no bisa atrobe ku Hulanda ta manda riba nos’. “Tin hopi interes for di Hulanda pa e elekshonnan. Espesialmente pa kon nos mes ta hasi i ta skohe pa nos lidernan.”
Opservadó internashonal
Tambe tin opservadó internashonal di OAS (Organization of American States) i di ministerio di Asuntunan Interior. Rijna ta bisa ku el a pidi nan pa vigilá èkstra pa no malusá vòlmagt. Siman pasá a bin sali ku Ministerio Públiko ta hasi un investigashon di froude ku vòlmagt despues ku ofisina elektoral mayó a denunsia 20 kaso.
Serka e último elekshonnan a duna kasi mil vòlmagt. Awor te ainda a entregá 89, pero e kantidat ei por subi. Rijna ta bisa ku pa e próksimo elekshonnan mester wak si por regla e vòlmagt un otro manera òf kansel’é.
Mayoria di kabesnan di lista di e ocho partidonan polítiko ta vota atardi lat. Den media i riba kaya mas i mas por tende ku ta MPB di Elvis Tjin Asjoe ta bira e ganadó grandi ku mas ku e tres asientonan aktual. En todo kaso nan si a hasi hopi na promoshon. “Pero na final e bonerianonan no ta kai p’esaki. Mi konosé nan” Ban Ban ku ta vota Demokrat ta bisa. MPB a deklará ku nan ta mek riba 5 asiento loke ta enserá un mayoria apsoluto.
Èks polítiko Ramonsito Booi remarkablemente tambe ke mete i a duna e konseho di vota MPB i no su partido bieu UPB. Su èks kasá djei a hasi un apelashon pa keda fiel na UPB.
