WILLEMSTAD – Maksimalmente 10 mil hende por drenta Kòrsou na yüli for pais ku riesgo abou. Manera Hulanda i otro pais oropeo oksidental ku tampoko no tin karentena.
Esaki ta loke gobièrnu ke logra. Espesialmente for di e sektor turístiko ku ta sufri tin hopi preshon pa habri pronto.
“Si fronteranan no habri, mayoria di hotèlnan ta indiká ku den e lunanan binidero nan lo sera, te ora e próksimo temporada di hopi turista kuminsá fin di aña. Loke lo nifiká retiru masal den e sektor”. minister Steven Martina di Asuntunan Ekonómiko ta bisa. “No lo ke evitá esaki.”
Tèst obligatorio
E máksimo di dies mil hende, inkluso e yunan di Kòrsou ku ke regresá na e isla, mester hasi un tèst promé ku nan sali. Tambe e biahero mester mèldu keho ku eventualmente ta indiká kontaminashon di corona riba un formulario i keda aksesibel na e isla pa outoridatnan.
For di 12 di yüni Kòrsou ta habri frontera tambe ku e islanan BES. Ki ora por biaha pa Sint-Maarten i Aruba ta dependé di e paisnan aki i si nan ke habri nan fronteranan ku Estádos Unídos, segun gobièrnu.
Posibilidat pa sigui turista ku app
“Nos ke pa habri frontera pero esaki mester sosodé mas seif posibel. Aki salubridat di pueblo tin prioridat”, Paul Pennicook, direktor di Curaçao Tourist Board (CTB) ta enfatisá.
A redaktá diferente protokòl, por ehèmpel pa registrá kon e turistanan ta move na e isla, e ta konta. Por ehèmpel un app por registrá e moveshonnan di un turista i ku ken e tabata den kontakto. Tambe ta bini direktivanan nobo pa restorant. Probablemente turistanan mester reservá obligatoriamente. Pa si ta nesesario, hasi e investigashon di kontakto despues mas fásil.
“Ta investigá tur e plannan aki i mester elaborá nan ainda”, Pennicook ta splika. Tambe tin kuestion di hasi kapa di tapa boka obligatorio na okashonnan kaminda tin hopi hende.