KRALENDIJK – Fundashon Kuminda Na Skol pa motibu di e situashon di corona a organisá nan promé drive thru. “Normalmente e 700 muchanan na skol ta haña pan, fruta, i kos di bebe, pero pasobra skol ta será nos ta hasié asina awor”, Shaina Offerman ta bisa.
Tin un pakete di kuminda kla pa e muchanan aki. E fundashon lo organisá esaki tur siman te dia skolnan habri atrobe.
Outor Marit Severijnse
Kuminda Na Skol aña pasá, ora e skolnan tabata será durante durante lockdown, un temporada a trese pakete di siman na kas serka e famianan, pero esaki tabata hopi trabou pa organisá. Awor e fundashon a haña yudansa di Entidat Públiko Boneiru, ku na kas serka e famianan a parti karchi ku nan por a bai buska e pakete kuné.
Dòbel kantidat di pakete
E aña aki a parti dòbel e kantidat di pakete. “Esei ta pasobra aña pasá nos no a duna kada mucha un pakete. E tempu ei nos tabata traha diferente. Pro ehèmpel si bo tabatin sinku yu, bo tabata haña tres pakete. Awor sí di bèrdè mes bo ta haña un pakete pa kada yu,” Offerman ta splika.
A keda sin buska mas o ménos 170 pakete. “Hende ku kisas e bia aki no a haña nan karchi pa kualke motibu, por mèldu serka nos. E ora ei nos por sòru pa tur hende haña loke nan mester haña.”
Registrashon èkstra
E fundashon ta tene kuenta ku e echo ku kisas mas mayor mester di yudansa durante e situashon di corona aktual. “Por tin hende kisas ku a kaba di pèrdè nan trabou, nan tambe por mèldu serka nos ainda,”segun Shaina.