WILLEMSTAD – Kontrali na tur ekspektativa hende muhé na Kòrsou durante di e lockdown tambe fiel a keda buska nan angua antikonseptivo na Famia Plania. Esaki ta laga e sifranan keda basta stabil kompará ku e mésun temporada aña pasá.
Durante di e lockdown ‘Famia Planiá’ a keda ofresé su servisionan, pasobra ta konsiderá e Fundashon pa Promoshon di Paternidat Responsabel na Kòrsou komo un ‘organisashon vital’. Ounke trabou tabata ménos ku normal na Famia Plania, a garantisá e servisionan esensial si, manera pasa angua antikonseptivo.
“No ta inimaginabel ku por okurí embaraso no deseá durante di e krísis di corona”, Marisela Fleming, direktor di famia planeá ta bisa, “sera den kas durante di lockdown, por nifiká ku hende ta bira seksualmente aktivo mas tantu. Bo ta mira esaki mas bia den situashonnan di krísis òf ora di desaster.”
Spiral antikonseptivo
Banda di e angua antikonseptivo tambe tin hopi interes pa e spiral antikonseptivo. Ounke ku hende muhé por a drenta outo solamente dos bia pa siman durante di e lockdown, tòg nan a hasi esfuerso pa pidi ayudo seka Famia Planiá. Fleming ta masha satisfecho ku esaki.
E antikonseptivonan na Famia Planiá no ta grátis, pero pagabel i adekuá pa hende ku tiki moda. Banda di un dòkter i un enfermera e klínika ta duna informashon seksual na komunidat kurasoleño, espesialmente na skol. Ta duna informashon na alumno di skol ku uso di material ilustrativo i métodonan di presentashon interaktivo, pero ainda skolnan ta será ke men e parti aki di e trabou a para por lo pronto.
Banda di antikonseptivo ta komuniká tambe
Meyrtha Leetz-Cijntje, presidente di e movementu kurasoleño di hende muhé Seda, ta haña ku den temporada intensivo, manera e krísis di corona, hende mester protehá nan mes no solamente seksual sino tambe verbal i emoshonal. P’esei e movementu di hende muhé e último seis simannan a guia hende muhé i famia, espesialmente kaminda tabatin un suposishon di violensia doméstiko.
Leetz-Cijntke ta bisa ku e trainernan a pasa serka famianan pasobra e kasánan òf e yunan durante di e lockdown no ker a hasi denunsio pasobra nan no ker a laga sera papa. E ta bisa ku ta e intenshon pa mustra e famianan ariba ku komunikashon ta importante den e temporada aki i pa praktiká planifikashon di famia aktivamente i usa antikonseptivo.
Seda huntu ku famianan tambe a duna atenshon na e uso di idioma, komunikashon ku e yunan i ku otro. Leets-Cijntje: “Esei ta e kondishonnan pa anda mas konsiente ku e manera ku kosnan ta bai den famia den un tempu ku ta duna otro hopi atenshon.”
