ORANJESTAD – Awe meinta a detené Minister Paul Croes di Asuntunan di Labor, Asuntunan Sosial i Hubentut na su kas. Ta sospech’é di soborno atministrativo.
Huntu ku Croes a detené un trahadó di su ofisina ku no a menshoná mas spesífiko. A detené un hende ku ta hasi trabou di kas tambe pero a lag’é bai despues, ora ku a bin sali ku e tabatin papel di trabou. Banda di e kas di e minister den dos edifisio komersial tambe Landsrecherche, Recherche Samenwerkingsteam i polis a listra kas. Aki a konfiská entre otro diferente atministrashon, computer, telefon i USB-stick.
A pone restrikshon riba tantu minister Paul Croes komo su kolega. Esaki ke men ku, ku eksepshon di nan abogado, nan no por tin kontakto ku niun hende. “Banda di esaki tin un òrdu na vigor pa no tin akseso na dokumento den e kaso kontra e minister. Den kurso di e investigashon lo konfrontá e minister ku e resultadonan di e investigashon”, segun prokurador general Alexander van Dam. Marije Vaders, abogado di minister Croes, ta yega Aruba djamars. Segun tin papia tin un konferensha di prensa riba programa.
Sospechonan nobo
OM ta sospechá ku minister Croes lo a pidi i tuma soborno pa firmamentu di un dispensashon di e asina yamá tèst di merkado laboral. Mester di esaki pa por duna un trahadó estranhero un pèrmit di trabou. Durante di e investigashon aki a surgi e sospecho ku e minister entre otro ta kulpabel di labamentu di plaka, mal uso di su funshon, i dunamentu di trabou ilegalmente”, Segun PG Van Dam.