ORANJESTAD – Venezuela pa 72 ora unilateralmente ta para tur tráfiko aéreo i di laman ku islanan ABC (Aruba, Boneiru i Kòrsou). Na Aruba mésora por a ripará e medida aki di e presidente venesolano Nicolas Maduro. Venesolanonan ta eksperensiá hopi problema pa bula bai kas bèk i negoshantenan lokal ta prepará pa kompra karu di bèrdura i fruta otro kaminda.
Djabièrnè Maduro a bisa riba e emisora estatal di Venezuela Telesur ku e ta para tráfiko komersial ku e islanan ABC pa motibu di ‘mafia di e islanan su kontrabanda di kos for di e pais’. E skarsedat agudo aktual na Venezuela lo ta e konsekuensha direkto i Maduro ta eksihí medida.
‘Si prolongá e medida lo tin motibu pa pániko’
70 porshento di fruta i berdura ku Antonio Franken ta bende ta bini di Venezuela
Antonio Franken ta manehá Fruteria Virgilio, kaminda tabata bende berdura, fruta i komestibel. 70 porshento di su bèrdura i fruta ta bini di Venezuela. Si berdaderamente e paro di tráfiko keda pa 72 ora, e daño p’e ‘i pa tur otro fruteria i supermerkado’ ta limitá. “E ora ei ta dura te djárason te ora ku nos tin kos di Venezuela atrobe pasobra e suministro for di interior pa Punto Fijo lo kuminsá te djaluna numa.”
Si prolongá e medida, lo tin motibu pa pániko, Franken ta bisa. “Nos por buska berdura i fruta si for di lugánan manera Repúblika Dominikano, pero esakinan ta yega ku container i e ora ei e preisnan ta subi ku 30 pa 40 porshento den un tiru.”
Aruba ke koperá
Awe meinta promé minister Evelyn Weber-Croes a laga sa ku Aruba den relashon ku Reino a buska kontakto ku e outoridatnan venesolano tokante e medida i ku e paisnan di Reino ta tene kontakto estrecho tokante e desaroyonan. Tambe Wever-Croes ta ripití atrobe ku e ta rekonosé ‘e prekupashonnan venesolano’ tokante kontrabanda di entre otro merkansia i material ku hopi balor pa Aruba. E ke koperá ku e pais bisiña pa kombatí e kontrabanda aki.
Pasahero a keda pegá
Banda di esaki e medida tin konsekuensha tambe pa buelonan di pasahero pa i for di Venezuela. Buelonan pa Aruba solamente tin arubano na bordo i ta konfiská kos kumprá na Venezuela manera remedi. Rònt di buelonan pa Venezuela no ta tur kos no ta regla na un manera kla òf bon. A kita buelonan privá. Aruba Airlines a planeá un buelo pa djasabra anochi, pero na e bali nan ta duda si e lo siguí. Aserca Airlines ta bula bai bèk Venezuela te djaluna numa.
Gustavo Zavala i su famia a keda pegá na Aruba. Potrèt: Ariën Rasmijn
Kompania aéreo Albatros a anulá tur su buelonan por lo pronto, i asina pasahero manera Gustavo Zavala i su famia di Punto Fiho a keda pegá na Aruba. “Awor nos no sa ki dia nos kompania tin un buelo di regreso atrobe. Nos no tin kaminda pa pasa anochi. Awor mi ta bai konsulado pa mira si nan por yuda mi.” Unabes na konsulado na Oranjestad Zavala i su yunan ta haña porta será.
‘Impakto masha negativo’
Wever-Croes ta enfatisá ku tin ‘lasonan estrecho ekonómiko, di famia i kultural’ entre e islanan ABC i Venezuela. ‘E seramentu di frontera di un banda so tin un impakto masha negativo riba nos isla.’