ROTTERDAM – Ounke e porsentahe lo ta ménos ku den e elekshonnan anterior pa konseho munisipal, hopi hulandes karibense awe lo vota pa PVV. Esaki ta loke investigadó Aziz El Kaddouri di EtnoBarometer ta ferwagt. E motibu mas importante ta miedu di islamisashon i kriminalidat.
Ounke e presensia bou di hulandes karibense ta esun di mas abou di tur hulandes ku un desendensia di migrashon, segun El Kaddouri dies te asta diessinku porshento ta vota pa PVV. Bou di turko i marokano esaki ta apénas un porshento.
EtnoBarometer ta sondia e presensia, eskoho i motibu pa vota di hulandes ku un desendensia di migrashon. E ora ei ta trata di turko, marokano surinameño i hulandes karibense.
‘Antiano ta sinti manera ku esnan ku a yega resientemente i buskadó di asilo ta pusha nan afó’
Kon por splika e porsentahe haltu di votadó pa PVV bou di antiano? Segun El Kaddouri ta espesialmente debí na nan posishon sosial. “Ta espesialmente hende ku ta biba den e barionan bieu”, e ta bisa.
“Si bo no tin trabou, bo tin difikultat pa haña kas, e bario no ta seif, e ora ei masha lihé ta duna mòslemnan falta. I PVV ta fogoná e miedu aki.” Antianonan ta sinti manera esnan ku a yega resientemente i buskadónan di asilo ta pusha nan afó. Nan ta resultá na un nivel sekundario i Geert Wilders ta tuma parti pa nan.
‘Ta duna mòslem falta di desempleo i insiguridat. PVV ta fogoná e miedu aki’
E espektativa ta ku na elekshonnan pa konseho munisipal di e aña aki ménos antiano lo vota PVV, El Kaddouri ta pensa. “E partidonan grandi nashonal manera VVD i CDA ta tuma puntonan di bista radikal di PVV ofer. Ku yegada di Forum voor Democratie di Thierry Baudet, bo ta mira Geert Wilders bira ménos popular. Bou di antiano tambe.
Partidonan lokal tambe, espesialmente den siudatnan grandi, manera Leefbaar Rotterdam, segun El Kaddouri lo atraé mas votadó karibense pasobra nan tambe ta piska den e awa di PVV. E ta pronostiká asta un pèrdida di miembro den e partido di Wilders.
El Kaddouri ta ferwagt ku e presensia bou di hulandes karibense lo desapuntá. “Bo ta mira ku en general antiano no ta bai urna masha fásil.”
Ke mira resultado rápido
Den henter Hulanda aña pasá kuarenta porshento a bai vota i pa elekshon pa konseho munisipal e presensia tabata 30 porshento. Esei ta hopi ménos ku serka otro grupo di migrante. Pasobra serka esakinan un sinkuenta porshento a bai vota aña pasá.
Mas ku serka hulandesnan e hulandesnan karibense ke mira resultado rápido di nan eskoho di vota; trato di kriminalidat, trabou, un kas. Segun El Kaddouri no ta hustu pa asta den kuater aña ferwagt ku algu ta kambia mésora. Partidonan di siudat òf un partido manera PVV no por esaki, a resultá e
último kuater añanan