Portrèt: Laura Bijnsdorp

17 April 2018 | John Samson

WASHINGTON – E rekonstrukshon grandi di Sint Maarten porfin por kuminsá. Hulanda a firma un akuerdo definitivo ku Banko Mundial pa maneho di un fondo di miones.

For di awe a pone 112 mion euro disponibel pa proyekto i programa urgente . Ta e intenshon pa gobièrnu di Sint Maarten mes bini ku plan pa drecha e infrastruktura i e edifisionan ku daño i espesialmente hasi nan mas resistente kontra orkan pisá.

Sekretario di estado Raymond Knops (Relashonnan den Reino) djaluna a firma na Washington na nòmber di Hulanda. Den fase, maksimalmente 470 mion euro lo yega Banko Mundial, ku na nòmber di Hulanda lo supervisá e plaka i lo yuda ehekutá e proyektonan.

Kon ta saka tur e mionnan ei?
  • Hulanda a pone un total di 550 mion euro disponibel pa rekonstrukshon di Sint Maarten. E suma ei te 2021 ta riba presupuesto d Hulanda.
  • Di e 550 mion euro, Sint Maarten a haña 24,6 mion euro kaba pa wanta e slanan di orkan Irma riba nan presupuesto di 2017.
  • Promé ku a sera e akuerdo ku Banko Mundial, Hulanda a usa 7 mion kaba pa previshon di emergensia. Asina a pèrkurá pa kuminda na skol, ayudo síkiko na mucha, akshon di limpiesa i re-edukashon di habitante.
  • Kompania hulandes na febrüari a tene kombersashon ku gobièrnu hulandes pa kuminsá traha na Sint Maarten. Lo envolví kompania di Aruba i Kòrsou tambe, Knops ta primintí.
  • Banko Mundial ta haña minimalmente 23 mion euro pa manehá e fondo di rekonstrukshon.

Promé minister demishonario di Sint Maarten Leona Marlin-Romeo ta bisa ku ta ‘un paso importante dilanti’ pa ‘rekonstruí Sint Maarten mas mihó pa yega su státùs di bui di prosperidat’.

Traha i ehekutá plan
Banko Mundial tin eksperensia ku rekonstrukshon despues di desaster di naturalesa i den region karibense. Hulanda a duna Banko Mundial un papel prominente pa ‘balorá i manehá proyekto ophetivamente’.

Firmamento na Washington – Pòrtrèt: Banko Mundial

Banko Mundial lo bai yuda Sint Maarten ku por ehèmpel lantamentu di proyekto i pone prioridat. Un komishon spesial ta evaluá si e plannan i proyektonan ku Sint Maarten ta entregá, tin mag di ehekutá nan tambe i kua kompania tin mag di ehekutá nan.

Den e grupo di direkshon tin representante di Sint Maarten, Hulanda i Banko Mundial. Na nòmber di Hulanda Frans Weekers ta tuma asiento den e grupo di direkshon aki.

E grupo di direkshon por ehèmpel ta wak si un proyekto ta berdaderamente nesesario. “Durabilidat’ tambe ta importante: e infrastruktura di e isla den futuro mester por trata ku orkan fuerte mas mihó. Tambe otro partido manera fundashon i organisashon internashonal por entregá plan.