Pòrtrèt: Otmar Oduber

ORANJESTAD – “Un organisashon di naturalesa no ta outomátikamente un ekstenshon di gobièrnu, pero komo aktor sosial tin un responsabilidat kompletamente di su mes tambe.”

Asina Dutch Caribean Nature Alliance (DCNA) ta bisa den un karta na Otmar Oduber ku tin un konflikto ku Parke Nashonal Aruba, e fundashon ku ta manehá parkenan di naturalesa na Aruba.

Djárason atrobe e trahadónan a pone trabou abou pa mustra nan prekupashon pa e konflikto. Algun trahadó a laga sa ku nan tampoko no ta di akuerdo ku e direktiva di e fundashon. Nan ta kompartí e opinion di e minister ku ta haña ku ‘tras di su lomba’ direktiva a kambia e statütnan na desèmber. Un kambio importante ta ku e fundashon por kumpra tereno pa konservashon di naturalesa.

Palabra skèrpi
E minister a pasa pa trankilisá e trahadónan. E ta ens ku komo minister e no por mete numa den e maneho di e fundashon.

Minister ku e trahadónan – Potret: Otmar Oduber

“Pero bo mester tene gobièrnu na altura si di kambio importante. Mi por yega na e konklushon tambe ku mi no por koperá mas ku e fundashon si e no tene mi na altura.”Djárason el a usa palabra skèrpi tambe: si ta nesesario e ta bai parlamento pa lanta un fundashon nobo ku sí por kolaborá ku gobièrnu.

Diálogo
P’esei DCNA ta spera ku e minister lo entablá e diálogo ku e direktiva di e fundashon atrobe. I pa pone preshon tras di e karta, a manda esaki tambe pa gobernador, promé minister i presidente di parlamento di Aruba.

Pa e trahadónan ta espesialmente importante ku lo hasi mas pa por protehá e parkenan di naturalesa aktual Arikok i Spaans Lagoen bon. Pasobra ya ta añanan largu tin un skarsedat di medio, asina mayoria di e wardadónan di parke ta haña. E fundashon tin un akuerdo ku e gobièrnu anterior pa manehá 16 área di naturalesa. Esaki a konfirmá tambe na prinsesa Beatrix durante su bishita na Aruba aña pasá. E prinsesa ta protektora di DCNA.